Aldaǵy jylytý maýsymyna daıyndyq aıasynda Almaly aýdanynda jylý jelilerin josparly qaıta jańǵyrtý jumystary júrgizilýde. Jumys aıasynda 1977 jyly paıdalanýǵa berilgen jalpy uzyndyǵy 760 metr bolatyn jylý jelileri aýystyrylady.
Osyǵan baılanysty 2025 jyldyń 24 shildesinen 31 tamyzyna deıin Almaly aýdanynda Jambyl kóshesi boıynsha Muqanov kóshesinen Muratbaev kóshesine deıingi aralyqta avtokólik qozǵalysy jabylady.
Qubyr jelilerin qaıta jańǵyrtý jumystary kezinde júrgizýshiler men jaıaý júrginshilerdiń qaýipsizdigin qamtamasyz etý maqsatynda qozǵalysqa shekteý qoıylady. Qaıta jańǵyrtý kezeńinde turǵyndarǵa ystyq sý berý toqtatylmaıdy.
Atalǵan jylý jelisi 5 kópqabatty turǵyn úıdi, 7 jeke turǵyn úıdi jáne taǵy 4 ózge nysandy jylý energıasymen jáne ystyq sýmen qamtamasyz etedi.
Jalpy, bıyl qala boıynsha 39 shaqyrym jylý jelisin jańǵyrtý josparlanǵan. Bul jelilerdiń tozý deńgeıin 54%-ǵa deıin tómendetýge múmkindik beredi.
Aıta keteıik, kólik qozǵalysyn shekteý týraly barlyq aqparat Almaty.kz saıtynda, @AlmatyJoly Telegram arnasynda, aýdan ákimdikteri men basqarmalardyń áleýmettik jelilerinde, sondaı-aq «2GIS» pen «Iandeks karta» servısterinde jarıalanǵan.
«Almaty jylý júıesi» JSHS