Túrksib aýdanynda eskirgen 126 úıdi buzyp, onyń ornyna jańadan 181 kópqabatty turǵyn úı salynady. Túrksib aýdanynyń ákimi Baqytjan Aqjarov Óńirlik komýnıkasıalar qyzmetinde osylaı dep málimdedi, dep habarlaıdy aqshamnews.kz
Aýdan basshysynyń aıtýynsha, aýdan jaqsy qalalyq orta qalyptastyrý úshin júıeli jumys isteı bastaǵan: turǵyn úı qory jańartylyp, qoǵamdyq keńistikter abattandyrylyp, ınfraqurylym jańǵyrtylyp jatyr. Eski úılerdi jańalaý – osy istegi eń basty mindettiń biri bolyp qalypty.
Qazir 8 jerde qurylys jumysy júrip jatyr. 28 eski úıdiń ornyna 17 jańa úı salynyp, 500-den astam turǵyn jańa páterge kóshken.
Ákimniń aıtýynsha, ońaltýǵa arnalǵan aımaqtardy damytýǵa erekshe kóńil bólinipti. Shilde aıynda Úlken Almaty kanalynda qaıta qurý jumysy bastaldy. Munda demalys aımaqtary, jaǵajaı alańdary salynyp, jaıaý júrginshilerdiń kópiri jańartylyp jatyr. Endi jyldyń sońyna deıin Baým toǵaıy men Kishi Almaty ózeniniń boıyndaǵy jaıaý júrginshilerdiń aımaǵyn abattandyrýdy qolǵa almaqshy.
«Halyq qatysatyn búdjet» jobasy aıasynda 2024 jyly Túrksib aýdanynda 2 mıllıard teńgeden astam qarjyǵa 52 joba júzege asty. 2025 jyly taǵy 32 jobany iske asyrmaq.
«Sonymen qatar, aýdanda 850 metr aryq júıesiniń kúrdeli jóndeý jumystary josparlanǵan (13 ýchaskede). Jasyl-jelekterge kútim jasaý jaǵy da eskerilgen. 2025 jyly 20 000 aǵashty kesip, 4740 aǵashty qalypqa keltirip, 2800 aǵashty kesýdi josparlap qoıdyq», - dedi aýdan ákimi.