Halyqaralyq shahmat federasıasynyń (FIDE) Bas assambleıasy túrkitildes elderdiń Shahmat qaýymdastyǵyn qurý týraly mańyzdy usynysty qoldady, dep habarlaıdy aqshamnews.kz.
Bul bastama Ázirbaıjannyń Shahmat federasıasy tarapynan usynylyp, túrki elderi arasyndaǵy shahmat salasyndaǵy yntymaqtastyqty nyǵaıtýdy maqsat etedi.
Qaýymdastyq túrkitildes elder arasynda shahmat mádenıetin damytý, halyqaralyq arenada birlesken jobalardy júzege asyrý, shahmatshylardyń tájirıbe almasýyn kúsheıtý sıaqty kóptegen bastamalarǵa jol ashady.
Bas assambleıada usynys daýysqa salynyp, biraýyzdan qoldaý tapty. Qaýymdastyq quramyna engen elder:
• Ázirbaıjan 🇦🇿
• Qazaqstan 🇰🇿
• Túrkıa 🇹🇷
• Ózbekstan 🇺🇿
• Túrikmenstan 🇹🇲
• Qyrǵyzstan 🇰🇬
Aldaǵy ýaqytta jańa uıymnyń jarǵysy men uıymdastyrý qujattary bekitiledi. Bul qadam shahmat salasyndaǵy ortaq kúsh-jigerdi nyǵaıtyp, túrki áleminiń ıntellektýaldy áleýetin arttyrýǵa múmkindik beredi.
Osy qaýymdastyq túrki elderiniń shahmat mádenıetin jańa bıikterge kóteredi.