Japonıada jándikterge arnalǵan erekshe festıvál ótti.
Jyl saıyn jazda jándikter festıvali Japonıanyń Gýmma prefektýrasyndaǵy Takasakı qalasynda ótedi, - deıdi ekolog-ǵalym Vladımır Pınaev.
- Bul kóbinese balalarǵa arnalǵan festıvál. Japonıanyń túkpir-túkpirinen balalar ózderiniń úıdegi jándikterin ákelip, túrli oıyndar uıymdastyrady. Sondaı-aq, Kabýtomýshı (Múıiztusyq qońyzy) jándikteriniń «shaıqastary» da ótedi.
Gerkýles qońyzy úlken kólemi men salmaǵymen erekshelenedi: eresek jándik 110 gramǵa deıin jetedi. Bul jándik kúshtiligimen tanymal: óz salmaǵynan ondaǵan ese aýyr zatty kótere alady. Ol jemistermen qorektenedi, sondyqtan adamdar úshin qaýipsiz. Qońyz tistemeıdi jáne aýrý taratpaıdy.
Golıaf qońyzy - jer betindegi eń iri qońyzdardyń biri. Onyń uzyndyǵy 11 sm-ge deıin jetip, salmaǵy 50-110 gram bolady. Keıbir qustardan da aýyr. Ólshemi men úlken tyrnaqtary men «jaqtary» bolsa da, bul qońyz tynysh jáne jemisterdi jeıdi: banan, mango.
Quryshtalǵan jaýynger
Múıiztumsyq qońyzy — Japonıa, Taıvan, Koreı túbegi jáne shyǵys Qytaıda mekendeıdi. Bul jándik óte jaýynger bolyp keledi, ásirese erkekteri urysqaq. Japon festıvalindegi jándikterdiń bir saıysy – eń úlken nosoroǵomyrtqa qońyzyny tańdaý.
Buǵyqońyz — Eýropada mekendeıtin eń úlken qońyz. Bul qońyzdyń bir túrin japondyq seleksıoner 89 myń dollarǵa satyp alǵan. Osylaısha, múıizquıryq qońyz álemdegi eń qymbat jándik atandy.
Dáýitter — qatygez jyrtqyshtar. Olar ózge jándikterdi, tipti usaq qustardy nemese kesirtkelerdi de jeıdi. Eresek dáýitterdi jalǵyz ustaý kerek. Ádette biz dáýitterdi jasyl túste elestetemiz, biraq olardyń arasynda erekshe tústi túrleri de bar. Keıbireýleri japyraqtar men butaqtarǵa uqsaıdy.
Kerek derek
Qońyzdar qansha turady?
• Gerkýles qońyzy: Baǵasy shamamen 100-den 500 AQSH dollaryna deıin jetedi. Erekshe úlgileri myńdaǵan dollar turýy da yqtımal.
• Golıaf qońyzy: Baǵasy shamamen 100-den 400 dollarǵa deıin bolýy múmkin, al erekshe úlken nemese sırek úlgiler 1000 dollardan joǵary turady.
• Múıiztumsyq qońyzy (Kabýtomýshı): Japonıada tanymal bolǵandyqtan, bul qońyzdyń baǵasy 20-dan 100 dollar turady. Úlken jáne erekshe túrleri qymbatyraq bolady.
• Múıizquıryq qońyz (Buǵyqońyz): Eerekshe túrleri 89 myń dollardan joǵary baǵalanýy múmkin, biraq ortasha úlgiler 50-500 dollar aralyǵynda bolady.