2023 jyly hronometrajy 5 mınýttan asatyn keminde 10 anımasıalyq týyndy jaryqqa shyǵady.
Mádenıet jáne sport mınıstrliginiń «Qazaqanımasıa» shyǵarmashylyq birlestigi túrkitildes elderge ortaq ejelgi ańyzdar negizinde anımasıalyq álmanah jasap shyǵarýdy josparlap otyr, dep habarlaıdy Almaty-akshamy.kz.
Mınıstrlik arnaıy senarıler baıqaýy jarıalanǵanyn aıtty. Oǵan túrkitildes elderdiń ejelgi ańyzdarymen baılanysty taqyryptarda: túrkitildes elderdiń uly tulǵalary, qasıetti janýarlary men jer-sý ataýlary, túrkitildes elderdiń ortaq merekeleri men ulttyq oıyn-saýyqtary týraly ańyzdar negizinde shyǵarmashylyq jumystar qabyldanady.
Pıchıng qorytyndysy boıynsha tańdalǵan on úzdik joba ashyq qorǵaý múmkindigine ıe bolady.
«Bul jobanyń mańyzy óte úlken. Qazir senarıler baıqaýy jarıalandy. Biz avtorlarǵa ótken tarıhymyzdy búgingi kúnmen baılanystyrýǵa bolatyndaı shyǵarmashylyq erkindik berip otyrmyz. Sol sebepti úmitkerlerden taqyrypqa saı jáne kórkemdik deńgeıi joǵary jumystar kútemiz», dedi «Qazaqfılm» kınostýdıasynyń vıse-prezıdenti Serik Ábishev.