Túrkistan oblysynda tártip saqshysy tasqyn sýǵa batyp bara jatqan turǵyndy qutqaryp qaldy, dep habarlaıdy Almaty-akshamy.kz.
Oqıǵa 2 aqpan kúni bolǵan. Saýran aýdanyn sý alǵan sátte, Shaǵa aýylynda kezekshilikte júrgen ýchaskelik polısıa ınspektory Abaı Baıjuman belgisiz er adamnyń tasqyn sýǵa qulap ketkenin kórgen.
Birden kólikti toqtatqan ol kıimmen sýǵa kirip, aǵyn sýdyń ortasynda bolǵan er azamatty qaýipsiz jerge alyp shyqqan. Keıin qutqarylǵan adamdy "jedel járdem" qyzmetkerleri aýrýhanaǵa alyp ketken.
«Qıyn sátte Túrkistan oblysynyń polıseıleri judyryqtaı jumylyp, azamattardy evakýasıalaýǵa jáne olardyń múlkin qorǵaýǵa atsalysyp jatyr. Máselen, nebary 2 kún ishinde Túrkistan oblysynyń polıseıleri arnaıy mamandarmen birge 200-den astam adamdy evakýasıalap, qaýipsiz jerge alyp shyqty», - delingen Túrkistan oblysy polısıa departamentiniń baspasóz qyzmeti taratqan aqparatta.