Ótken jylmen salystyrǵanda ólim kórsetkishi 11,9%-ǵa tómendegen
Almaty qalasynda onkologıalyq naýqastardy mamandandyrylǵan emdeýmen joǵary qamtý, sondaı-aq qaterli aýrýlardy erte dıagnostıkalaýdyń artýy arqasynda onkologıalyq aýrýlardan ólim-jitim jyl saıyn azaıyp keledi. Máselen, ótken jylmen salystyrǵanda ólim kórsetkishiniń 11,9%-ǵa (96 jaǵdaıǵa) tómendeýi baıqaldy, dep habarlaıdy Almaty-akshamy.kz.
Ólim kórsetkishteri boıynsha alǵashqy bestik kelesideı: 1-orynda – ókpe isigi, 211 jaǵdaı; 2-orynda – toq ishek obyry, 172 jaǵdaı; 3-orynda – asqazan isigi, 155 jaǵdaı; 4-orynda – sút bezi obyry, 139 jaǵdaı jáne 5-orynda – uıqy beziniń obyry, 90 jaǵdaı.
Almatyǵa naýqastar Qazaqstannyń basqa aımaqtarynan jáne kórshiles elderden Almaty onkologıalyq ortalyǵynda joǵary sapaly medısınalyq kómek alý jáne úzdiksiz tolyqqandy dári-dármek (hımıoterapıa) alý úshin keletinin eskerý kerek. Bul ólim-jitim deńgeıine de áser etetini sózsiz.
Ótken jyldyń ózinde megapolıske 954 naýqas kelse, 2021 jyly bul kórsetkish 803 bolǵan. Bul syrttan kelgen naýqastar sanynyń jyl saıyn artyp kele jatqanyn kórsetedi. Sonyń ishinde árbir tórtinshi naýqas, aýrýdyń asqynǵan satysymen kelgen (254 naýqas).
Atalǵan onkologıalyq naýqastardy emdeý qalanyń densaýlyq saqtaý salasyna jumsalatyn shyǵyny bolyp tabylatyny sózsiz jáne Qazaqstan Respýblıkasy Densaýlyq saqtaý mınıstrligi men Áleýmettik medısınalyq saqtandyrý qorynan qosymsha qarjylandyrýdy talap etedi.