Bórte – álem tarıhyndaǵy biregeı tulǵa.
Túrkistanda belgili jazýshy Dýlat Isabekovtyń pesasyna qoıylǵan «Bórte» spektakli ótti, dep habarlaıdy Almaty-akshamy.kz Baq.kz-ke silteme jasap.
Qoıylymǵa arqaý bolyp otyrǵan Bórte – álem tarıhyndaǵy biregeı tulǵa, dúnıeni dúr silkindirgen uly qolbasshy Shyńǵysqannyń jan jary. Qazaq handyǵyn áıgili Altyn Ordanyń izin basqan murageri sanasaq, onyń negizin qalaǵan Joshy hannyń anasy – osy Bórte hanym. Osynaý ǵajaıyp tulǵanyń ómirin ózek etken bul qoıylym tarıhı astary tereń, tárbıelik máni zor týyndy retinde kórermenderdiń kóńilinen shyǵyp, óristi bolatynyna senimdimin.
Kez kelgen qalanyń máni men mazmunyn arttyratyn, ıntellektýaldyq deńgeıin ósiretin sala – mádenıet, bilim oshaqtary men kórnekti oryndar. Osyǵan oraı «Nur Otan» partıasynyń Túrkistan qalasy boıynsha saılaýaldy baǵdarlamasynda týrısik nysandar men kıeli oryndardy damytý, Kúltóbe qalashyǵyn qalpyna keltirý, kórnekti tulǵalary men tarıhı muralaryn tanymal etý sekildi kóptegen jobalardy iske asyrýǵa yqpal etý kózdelgen.
Aıta keteıik, qazirgi tańda Túrkistan mýzykalyq drama teatry, «Uly dala» ortalyǵy, «Farab» kitaphanasy, Etnoaýyl, «Kerýen-saraı» týrısik kesheni jáne t.b. iske qosylǵan.