Bul Eýropadaǵy elektromobıl óndiretin eń birinshi kásiporyn.
Zaýyt qurylysynyń aıaqtalýyna oraı kompanıa ashyq esik kúnin uıymdastyrdy, dep habarlaıdy Almaty-akshamy.kz. «Habar 24»-ke silteme jasap.
Kelýshilerdi Ilon Masktyń ózi qarsy aldy. Sharaǵa qatysýshylar arnaıy shaqyrtýmen keldi. Oǵan ıe bolý úshin kompanıanyń saıtyna tirkelý mindetteldi. Koronavırýstyq shekteýlerge baılanysty ashyq esik kúnine shaqyrtý 9 myń adamǵa berildi. Olar sý jańa zaýytty aralap, elektromobılderdi qurastyrý prosesin tamashalady.
Aıta keteıik, bul Eýropadaǵy elektromobıl óndiretin eń birinshi kásiporyn. Onda jylyna 500 myń kólik shyǵarý josparda bar.
Fabrıkanyń ishinde boldyq. Robottardyń kólikti qalaı jınaıtynyn kórdik. Óte qyzyq boldy. Test-draıvpen de júrip kórdik. Syrttan ádettegi kólik sıaqty, biraq óte shapshań eken. Ókinishke qaraı Ilon Masktyń ózin kóre almaı qaldyq. Zaýyttyń arqasynda aımaq odan ári damyp, jańa ınfraqurylym salynady degen oıdamyn,-deıdi Germanıa turǵyny.
Elektrokarmen júrgenime jarty jyldyń júzi boldy. Osy markaly kólikterdiń fan klýbyndamyn. Teslanyń zamanaýı dızaıny erekshe. Kólikte otyryp fılm kórýge nemese oıyn oınaýǵa bolady. Mundaı sharany ótkizip almaý úshin arnaıy Bavarıadan kelip edim. Zaýyttyń ishine kiri almaǵanym óte ókinishti.