Memleket basshysynyń Jarlyǵymen Darhan Amangeldiuly Satybaldy Túrkistan oblysynyń ákimi bolyp taǵaıyndaldy.
Darhan Satybaldy Túrkistan oblysynyń jańa ákimi laýazymyna taǵaıyndaldy, dep habarlaıdy Almaty-akshamy.kz.
Túrkistan oblystyq máslıhatynyń sesıasyna Qazaqstan Respýblıkasynyń Premer-Mınıstri Álıhan Smaıylov qatysty. Sesıada ákim qyzmetine qos birdeı kandıdat usynyldy. Onyń biri - Qazaqstan Respýblıkasynyń Ózbekstan Respýblıkasyndaǵy Tótenshe jáne Ókiletti Elshisi Darhan Satybaldy bolsa, ekinshisi - Saıram aýdanynyń ákimi Ulasbek Sádibekov.
Halyq qalaýlylarynyń basym bóligi Darhan Satybaldynyń kandıdatýrasyn qoldap daýys berdi.
Darhan Satybaldy 1974 jyly Saryaǵash aýdanynda týǵan. S.Seıfýllın atyndaǵy Aqmola aýylsharýashylyq ınstıtýtyn, Qazaq gýmanıtarlyq-zań ýnıversıtetin bitirgen. Mamandyǵy - ekonomıs-menedjer, zańger.
Eńbek jolynda QR Premer-Mınıstri Keńsesi bólim meńgerýshisiniń orynbasary, Shymkent qalasynyń ákimi, Ońtústik Qazaqstan oblysy ákiminiń birinshi orynbasary bolyp eńbek etti. Shymkent qalasynan Senat derpýtaty bolyp saılanǵan. Sońǵy jyldary Qazaqstan Respýblıkasynyń Ózbekstan Respýblıkasyndaǵy Tótenshe jáne Ókiletti Elshisi qyzmetin atqardy.
«Qurmet» ordenimen jáne «Eren eńbegi úshin» medalimen marapattalǵan.
Aıta keteıik, Ómirzaq Shókeev 2019 jyldyń 26 aqpanynan búginge deıin Túrkistan oblysynyń ákimi qyzmetin atqaryp keldi. Al, bıylǵy jyldyń 24 tamyzynda otstavkaǵa ótinish berdi. Oǵan basty sebep, 23 aqpanda Kentaý qalasynyń ákimi asa iri kólemde para aldy degen kúdikke ilinip, 10 jylǵa sottalýy boldy.
Memleket basshysynyń Jarlyǵymen Ómirzaq Estaıuly Shókeev Túrkistan oblysynyń ákimi laýazymynan bosatyldy.