IT tehnologıany ıgerý tetikteri talqylandy.
Áıelder isteri jáne otbasylyq-demografıalyq saıasat jónindegi ulttyq komısıa alańynda áıelderdiń sıfrlyq ekonomıkadaǵy múmkindikterin damytý jáne áıelder men balalar úshin áleýmettik mańyzy bar IT-jobalardy praktıkaǵa engizý máseleleri pysyqtaldy, dep habarlaıdy Almaty-akshamy.kz.
Ulttyq komısıanyń tóraǵasy Aıda Balaeva osy saladaǵy mejelegen mindetterdi oryndaý mańyzdy deıdi.
«Bul jumystyń basty basymdyqtary - seriktestik úshin jaǵdaılardy keńeıtý, qundy talanttardy anyqtaý jáne áıelder bastamalarynyń ekonomıkalyq jáne áleýmettik áleýetin iske asyrýǵa járdemdesý. Bul kezdesý - osy máselelerdi sheshýdegi kezekti qadam», - dedi Áıelder isteri jáne otbasylyq-demografıalyq saıasat jónindegi ulttyq komısıa tóraǵasy Aıda Balaeva.
Ekinshi sesıa aıasynda qoǵamdyq mańyzy bar túrli máselelerdi sheshýge jáne áleýmettik kásipkerlikti damytýǵa baǵyttalǵan birqatar jobalar tanystyryldy. Sonyń ishinde, onlaın-bilim berýdi keńeıtý, pedagogtardyń biliktiligin arttyrý jáne mektepterdi sıfrlandyrý, jastardy tárbıeleý máseleleri qamtyldy. Sondaı-aq onkologıalyq aýrýlardy anyqtaý jáne júktilik pen bosaný kezinde áıelderdi onlaın-qoldaý boıynsha ıdeıalar usynyldy.