Iýrıı Ilın Túrkistan oblysynyń sý basqan aýdandaryn áýeden baqylady.
Búgin Tótenshe jaǵdaılar mınıstri Iýrıı Ilın, Túrkistan oblysy ákiminiń birinshi orynbasary Arman Jetpisbaı jáne múddeli uıym ókilderi Túrkistan oblysynda áýeden barlaý jumysyn júrgizdi, dep habarlaıdy Almaty-akshamy.kz TJM telegram kanalyna silteme jasap.
Saýran aýdanynyń aýmaǵyna, Qarataý betkeıine jáne Syrdarıa men Arys ózenderiniń boıynda buǵan deıin sý basqan eldi mekenderge aerovızýaldy sholý jasaldy.
Áýeden barlaý jumystarynan keıin mınıstr jergilikti atqarýshy organdarmen jáne sý sharýashylyǵy mekemelerimen keńes ótkizdi, onda aǵymdaǵy jaǵdaıdyń turaqtanǵany jáne qalyptasqan meteorologıalyq jaǵdaı negizinde qajetti aldyn alý sharalaryn qabyldaý máseleleri talqylandy.
Qazirgi ýaqytta jaǵdaı turaqty, eshqandaı qaýip joq. Degenmen qutqarý bólimsheleri atqarýshy organdarmen birlesip, qosymsha aldyn alý sharalaryn qabyldap jatyr.