Májilis saılaýyna «Aýyl» partıasy atynan 34 kandıdat túsedi.
«Aýyl» halyqtyq-demokratıalyq partıasy kezekten tys HHİİ sezin ótikizip, kandıdattar tizimin bekitti, dep habarlaıdy Almaty-akshamy.kz
Saıası uıym tarıhyndaǵy asa mańyzdy kezdesýdi «Aýyl» partıasynyń tóraǵasy Álı Bektaev ashty. Ol óz baıandamasynda aýyl árbir azamattyń altyn besigi ekenin atap ótti.
«Biz aýyldyń múddesin, elimizdiń kem degende jartysynyń múddesin qorǵaımyz. Sondyqtan, «Aýyl» partıasy Parlament saılaýyna Qazaqstannyń azyq-túlik qaýipsizdigin qamtamasyz etýge negizdelgen baǵdarlamasymen qatysatynyn málimdeıdi», - dedi Álı Ábdikárimuly.
Tóraǵanyń sózine qaraǵanda, ónimder sórelerde óspeıdi, sórelerde tek baǵalar ósedi. Elde bıliktiń barlyq deńgeılerinde aýyl jáne agroónerkásiptik keshendi damytýdy qamtamasyz etý qajet.
Saılaýaldy baǵdarlama qabyldanǵannan keıin delegattar Parlament Májilisiniń depýtattyǵyna kandıdattardy partıalyq tizim boıynsha da, bir mandatty okrýgter boıynsha da usyndy.
«Aýyl» partıasynyń qatarynda elimizdiń kóptegen patrıottary, laıyqty azamattar bar. Búgingi sıeze biz QR Parlamenti Májilisiniń depýtattyǵyna kandıdattardyń partıalyq tizimin bekittik jáne bir mandatty saılaý okrýgteri boıynsha kandıdatýralardy usyndyq», - dedi Álı Bektaev.
Májilis depýtattyǵyna kandıdattardyń tizimin jasaý kezinde barlyq zańnamalyq talaptar saqtaldy.
«Jergilikti jerlerdegi ýákiletti organdarda (máslıhattardaǵy) «Aýyl» partıasy ókilderiniń sanyn arttyrý basty baǵyt bolyp qala bermek. 2021 jylǵy saılaýda «Aýyl» HDPP-nyń 237 múshesi partıalyq tizim boıynsha oblystyq, qalalyq jáne aýdandyq máslıhattardyń depýtaty bolyp saılandy. Bul naýqanda partıanyń 600-den astam ókilin túrli deńgeıdegi máslıhat depýtattyǵyna kandıdat retinde usynamyz», - dedi partıa tóraǵasy.