Túrkistan oblysynda 278 depýtat Senat saılaýyna qatysyp, 2 kandıdatqa daýys berýde, dep habarlaıdy Almaty-akshamy.kz QazAqparatqa silteme jasap.
Parlament Senatynyń saılaýy Túrkistan qalasyndaǵy Kongres hol ǵımaratynda ótip jatyr. Jalpy, saılaýǵa qatysqan 278 máslıhat depýtattary óz tańdaýlaryn jasaýda. Al, 39 depýtat belgili sebepterge baılanysty qatysa almady.
Saılaý búlletenine eki kandıdattyń esimi engizildi. Olardyń biri Jetisaı aýdanynyń ákimi bolsa, ekinshisi Ordabasy aýdany ákimdiginiń apparat basshysy qyzmetin atqarǵan.
«Bastapqyda alty úmitker óz kandıdatýrasyn usynǵan bolatyn. Keıin úsh úmitker qujattaryn keri qaıtaryp aldy. Al, taǵy bir kandıtattyń múlik salyǵy jónindegi deklarasıasyn tekserý kezinde shıkilik shyqqany úshin tirkeýden alynyp qaldy», - dedi oblystyq aýmaqtyq saılaý komısıasy tóraǵasynyń orynbasary Ámirdın Álishev.