Qostanaı qalasynda Jastar saraıynda Qazaqstan Respýblıkasy Parlamenti Senaty depýtattaryn saılaý ótip jatyr, dep habarlaıdy Almaty-akshamy.kz QazAqparatqa silteme jasap.
Tańǵy 10:00-den bastap Qostanaı oblysynyń aýdandary men qalalarynda saılaýshylaryn tirkeý júrgizilýde. Jalpy zalǵa kireberiste kandıdattar týraly aqparat bar stend ornatylǵan.
Bastapqyda oblystan bes ótinish berilgen, biraq eki kandıdat OSK-da tirkeýden ótpegen. Búginge deıin Qostanaı oblysynan senatorlyqqa úsh úmitker usynyldy.
«Qurmetti barlyq deńgeıdegi máslıhat depýtattary. Tańdaýshylardyń birlesken otyrysynyń kún tártibinde bir másele – Qostanaı oblysynan Qazaqstan Respýblıkasy Parlamenti Senatynyń depýtatyn saılaý bar. Birlesken otyrysqa 255 depýtat qatysyp otyr, qalǵan 8 depýtat dáleldi sebeppen qatysa almady», - dedi jıyndy ashqan Qostanaı oblystyq máslıhatynyń hatshysy Saılaýbek Eshanov.