Túrkistan qalasynda «Túrkistan – túrki áleminiń týrısik astanasy» halyqaralyq týrısik forýmy ótti.
Forýmnyń basty maqsaty – ózara tıimdi yntymaqtastyq ornatý jáne Túrkistan qalasyn 2024 jylǵy túrki áleminiń kelesi týrısik astanasy retinde tanystyrý, dep habarlaıdy almaty-akshamy.kz.
Forýmnyń ashylý saltanatynda QR Týrızm jáne sport vıse-mınıstri Erjan Erkinbaev, Túrkistan oblysynyń ákimi Darhan Satybaldy jáne Túrki memleketteri uıymy Bas hatshysynyń orynbasary Mırvohıd Azımov sóz sóıledi. Sonymen qatar is-sharaǵa túrki elderiniń týrısik ákimshilikteriniń, ortalyq jáne jergilikti memlekettik organdardyń, týrındýstrıa men Qazaqstannyń qoǵamdyq birlestikteriniń ókilderi qatysty. Aıta ketý kerek, bir kún buryn TMU týrızm máselelerine jaýapty mınıstrleriniń VIII otyrysy ótti. Onda Túrkistandy 2024 jylǵy túrki áleminiń týrısik astanasy dep jarıalaý týraly bastama maquldandy. Joǵaryda atalǵan is-sharalar barysynda birqatar bastamalar talqylanyp, túrki álemi elderindegi týrısik sektordy odan ári damytýǵa baǵyttalǵan keshendi sharalar usynyldy.
Birinshiden, TMU-ǵa múshe memleketter men baqylaýshy memleketterdiń iri qalalary arasyndaǵy áýereıster sanynyń artýy.
Ekinshiden, birlesken týrısik ónimderdi ázirleý, seriktestik qatynastardy jolǵa qoıý boıynsha jumystardy jandandyrý jáne «Jibek joly» zamanaýı týrısik marshrýtyn damytý.
Úshinshiden, Qazaqstan men Ózbekstan arasyndaǵy «Tabarrýk Zıórat» pılottyq jobasyn neǵurlym tyǵyz damytýdy jalǵastyrý.
Tórtinshiden, salaýatty ómir saltyn nasıhattaý, mádenı almasý jáne týrısik aǵymdy yntalandyrý maqsatynda TMU elderi arasynda júgirý boıynsha marafondar alánsyn qurý usynyldy.
Besinshiden, týrızm jáne meımandostyq boıynsha oqytýǵa mamandandyrylǵan TMU ýnıversıtetter lıgasyn qurý. Bul týrızm salasyndaǵy tabysty mansap úshin mańyzdy bolyp tabylatyn stýdentterdiń kásibı deńgeıin arttyrýǵa yqpal etedi.
Altynshydan, TMU elderiniń týrısik áleýetin ilgeriletý jáne marketıń boıynsha tájirıbe almasýdy kúsheıtý.
«TMU keńistigindegi mańyzdy bastamalardyń biri «túrki áleminiń týrısik astanasy» bastamasy boldy. Bul bastama Uly Jibek joly boıyndaǵy qalalardyń týrısik áleýetin ashýǵa múmkindik beredi jáne bir-biriniń mádenı jáne dástúrli qundylyqtaryn bilý arqyly barlyq túrki elderi halyqtarynyń jaqyndasýyna yqpal etedi. Túrlengen Túrkistan túgel túrki álemi alǵa qoıǵan ortaq maqsattardy júzege asyrýda, nasıhattaýǵa eleýli úles qosatynyna nyq senimdimin,» - dedi QR Týrızm jáne sport vıse-mınıstri Erjan Erkinbaev.