Búgingi kúni Qazaqstanda 14,9 mln ga dándi daqyldar jınaldy, bul josparlanǵan alańnyń 86,2%-n quraıdy.
Ortasha ónimdiligi 9,2 s/ga bolǵan kezde 13,6 mln tonna astyq bastyryldy, dep habarlaıdy Almaty-akshamy.kz Aýyl sharýashylyǵy mınıstrligine silteme jasap.
Bıylǵy vegetasıalyq kezeńde fermerler birqatar qıyndyqtarǵa tap boldy. Ońtústik aımaqtarda qurǵaqshylyq boldy, al soltústiginde qatty jańbyr jaýdy, bul eginniń jaı-kúıine jáne jınalǵan daqyldyń sapasyna áser etti.
Memleket basshysynyń aǵymdaǵy jyldyń aýa-raıynan zardap shekken aýyl sharýashylyǵy óndirýshilerine qajetti qoldaý kórsetý jónindegi tapsyrmasy sheńberinde mynadaı sharalardy qabyldaý usynyldy:
- forvardtyq satyp alý sheńberinde «Azyq-túlik korporasıasynyń» satyp alý baǵasy 3-synypty bıdaı úshin 120 myń teńge jáne 4-synypty bıdaı úshin 105 myń teńge mólsherinde belgilensin;
- forvardtyq satyp alý jáne taýarlyq kredıt boıynsha fermerge aıyppul tólemeı nemese 1,05 nemese 5% koefısıenti boıynsha 3-synypty bıdaıdy 4-synypqa aýystyrý jolymen aqshalaı qarajatpen mindettemelerdi oryndaýǵa múmkindik berý;
- mindettemelerdi oryndaýǵa múmkindigi joq aýyl sharýashylyǵy taýaryn óndirýshiler úshin 3% mólsherinde banktik syıaqylardy óteı otyryp, shartty oryndaý merzimin 1 jylǵa uzartýdy júzege asyrýǵa múmkindik berý.
Sonymen qatar, sharýalar «Azyq-túlik korporasıasy» astyqty fermerlerden, ásirese jemdik bıdaıdan tikeleı satyp alýdy suraıdy. Bul astyq naryǵyna áser etýge jáne sol arqyly astyq óndirýshilerdiń qarjylyq jaǵdaıyn jaqsartýǵa múmkindik beredi.
Baıandalǵandy eskere otyryp, 350 myń tonna kóleminde tikeleı satyp alýdy mynadaı baǵamen júzege asyrý usynyldy: 4 – synypty bıdaı úshin 105 myń teńge, 5 – synypty bıdaı úshin 90 myń teńge, synypty emes bıdaı úshin 70 myń teńge.
Bul rette, satyp alý búdjetten tıisti qarajat bólingennen keıin júzege asyrylatyn bolady.