Almaty qalasynyń Naýryzbaı aýdanynda úsh jerasty ótpeli joldar, onyń ishinde №7 qalalyq klınıkalyq aýrýhananyń janyndaǵy jerasty ótpel jóndelýde. Onyń qabyrǵalary keramogranıtpen bezendirilýde. Naýryzbaı aýdanynyń ákimi Nazıra Toǵyzbaevanyń aıtýynsha, ol qaýipsiz, tózimdi jáne tez tazarady, dep habarlaıdy almaty-akshamy.kz.
«Qazirgi jóndeý jumystary kem degende aldaǵy bes jylda estetıkalyq kórinisti saqtaýǵa múmkindik beredi. Jıi boıaýdy qajet etpeıdi jáne ádemi, zamanaýı kórinedi», - dep atap ótti Nazıra Toǵyzbaeva.
Búginde Almatyda shamamen 74 jer ústi jáne 56 jer asty ótkelder bar, olardyń basym bóligine bıyl aǵymdaǵy jáne kúrdeli jóndeý jumystary júrgizilýde.
«Bıyl biz materıaldardyń sapasy boıynsha biryńǵaı usynystar ázirledik. Biz tek negizgi usynystardy beremiz, biraq qalanyń barlyq jerinde jer asty kórinisteri ár túrli bolady. Jer asty ótkelderin jaryqtandyrýǵa keletin bolsaq, birinshiden, adamdar olardy alystan kórýi kerek, ekinshiden, olarǵa kirgende ózderin qaýipsiz sezinýi tıis. Sondyqtan, barlyq jobalarda qazir bizde JBO-ǵa shyǵarylatyn kameralar qoıylýda, ıaǵnı polısıa bul jaǵdaıda buzýshylardy kórip, tabady.
Sondaı-aq, bizde múmkindigi shekteýli azamattardyń, balalary bar adamdar men velosıpedshilerdiń jer asty ótkelderin paıdalanýdyń yńǵaılylyǵy týraly másele jıi týyndaıdy. №7 qalalyq aýrýhananyń janyndaǵy ótkelde joba boıynsha bastapqyda yńǵaıly túsý, pandýs bar ekenin kórýge bolady.
Biraq buryn salynǵan keıbir jerasty ótkelderinde ony salýdyń tehnıkalyq múmkindigi joq. Ádette kótergishter nemese lıftter bar, ásirese jer ústi ótkelderinde. Olardyń jartysy, ókinishke oraı, jumys istemeıdi, bir jerde jabdyq durys emes. Olar boıynsha da qazir jumys júrgizilýde, jyl sońyna deıin biz barlyq kótergishter men lıftterdi jóndeýdi josparlap otyrmyz – bul barlyq jer ústi jáne jer asty ótkelderine qatysty», - dep atap ótti Almaty ákimi apparatynyń basshysy Beıbit Shahanov.
Ol kóptegen nysandardy túrli merdigerler jóndeıtinin jáne zań boıynsha qyzmet kórsetýdiń negizgi kepildigi eki jyl ekenin aıtty. Aldaǵy ýaqytta ótkelderdi durys ustaýǵa jáne olardyń jaı- kúıine aýdan ákimdikteri tolyq jaýap beretin bolady.