Buǵan sebep – qyzanaq pen buryshtan karantındik organızmderdiń anyqtalýy.
QR Aýyl sharýashylyǵy mınıstrliginiń Memlekettik ınspeksıa komıteti engizgen tyıym 2021 jyldyń 7 maýsymynan bastaldy, dep habarlaıdy Almaty-akshamy.kz Aýyl sharýashylyǵy mınıstrliginiń baspasóz qyzmetine silteme jasap.
Túrkimenstannyń ósimdikter karantıni jónindegi memlekettik qyzmetiniń fıtosanıtarıalyq sertıfıkattarynyń súıemeldeýimen Qazaqstanǵa jetkiziletin qyzanaqtarǵa karantındik fıtosanıtarıalyq baqylaý júrgizý kezinde «qońyr ájim» vırýsynyń (Tomato brown rugose fruit virus (ToBRFV) 19 deregi anyqtaldy.
ISPM № 13 «Sáıkessizdik jáne shuǵyl áreket etý týraly notıfıkasıalaý nusqaýlyǵy» fıtosanıtarıalyq sharalar jónindegi halyqaralyq standarttyń erejesine sáıkes (Rım, 2002), Túrkimenstannyń ósimdikter karantıni jónindegi memlekettik qyzmetiniń atyna karantındik fıtosanıtarıalyq talaptardyń buzylýy týraly notıfıkasıalar jiberildi.
Kórshi respýblıkanyń ýákiletti organdarynyń eksporttalatyn ónimde vırýstyń paıda bolý sebepterin tekserý týraly obektıvti derekteriniń bolmaýyna baılanysty jáne Qazaqstan aýmaǵyndaǵy karantındik fıtosanıtarıalyq ahýaldy ýshyqtyryp almaý maqsatynda Túrkimenstannan qyzanaq pen burysh ákelýge ýaqytsha tyıym saldy.
Jalpy, ósimdikter karantıni salasynda jyl basynan beri Qazaqstan Respýblıkasynyń aýmaǵyna karantınge jatqyzylǵan ónimdi ákelýge qatysty 1300-den astam zań buzýshylyq anyqtaldy. Karantındik fıtosanıtarıalyq talaptardy buzyp, karantınge jatqyzylǵan 11 myń tonna ónimdi jetkizbek bolǵandardyń joly kesildi. Qazaqstanǵa jetkiziletin ónimnen karantındik obektiler tabylǵan 155 jaǵdaı tirkeldi. Tártip buzǵandar ákimshilik jaýapkershilikke tartylyp, 56 mln teńgeden astam somada aıyppul tóledi.