Sebebi ınfeksıanyń jańadan órshý qaýpi joǵary bolyp tur.
Búgin Almaty qalasy ákiminiń orynbasary Erjan Babaqumarov onlaın formatta koronavırýs ınfeksıasynyń taralýyna jol bermeý jónindegi qalalyq shtabtyń otyrysyn ótkizdi, dep habarlaıdy Almaty-akshamy.kz.
Jıynda megapolıstegi qazirgi epıdemıologıalyq ahýal, karantındik shekteýlerdiń saqtalýyn júzege asyrý máseleleri qaraldy. Ákimniń orynbasary óz tarapynan saıabaqtar men adamdar kóp jınalatyn ózge de jerlerde sanıtarlyq normalardyń saqtalýyn kúsheıtýdi tapsyrdy.
Almaty qalasy sanıtarlyq-epıdemıologıalyq baqylaý departamentiniń basshysy, qalanyń memlekettik bas sanıtarlyq dárigeri Jandarbek Bekshın juqtyrý deńgeıiniń tómendegenin habarlady. Táýlik ishinde KVI-diń 184 jaǵdaıy tirkeldi. Onyń ústine sońǵy 7 kúnde sımptomdy naýqastardyń úles salmaǵy ótken jylǵy 50%-ben salystyrǵanda 83,2%-dy qurady, bul joǵary patogendi mýtasıaly COVID-19 shtammynyń qoǵamda taralǵanyn kórsetedi. Jumyspen qamtý turǵysynan ınfeksıalardyń 21%-y túrli JSHS, JK, AQ qyzmetkerlerine tıesili, sondyqtan juǵýdyń taralýyn boldyrmaý jáne SHOB kásiporyndarynyń jabylmaýy úshin vaksına saldyrý qajet.
Adamdar kóp shoǵyrlanǵan jáne sanıtarlyq-epıdemıologıalyq normalar saqtalmaǵan jerlerde, qalalyqtardyń qoǵamdyq oryndarda bolýy saldarynan juqtyrýdyń barynsha kóp bolatyny anyqtaldy. Olar — bazarlar, saıabaqtar, demalys oryndary men SOSO jáne t. b. Mysaly, azyq-túlik bazarlarynda juqtyrý 8,9%-ǵa, azyq-túlik dúkenderinde — 8,9%-ǵa, SOSO men SÚ-de — 6,3%-ǵa ósken.
Osyǵan oraı ahýaldy ári qaraı turaqtandyrý úshin qala ákimniń orynbasary Erjan Babaqumarov adamdar kóp jınalatyn jerlerde monıtorıń toptarynyń jumysyn kúsheıtý qajettigine nazar aýdardy.
Atap aıtqanda, bazarlarda, vokzaldarda, áýejaı aýmaǵynda, sondaı-aq jazǵy kezeńdi eskere otyryp, sýburqaqtardyń janynda, saıabaqtar men alańdarda sanıtarlyq patrúlderdiń jumysyn uıymdastyrýǵa qatysty jeke tapsyrmalar berildi.
Almaty ákimdigi qala turǵyndary men qonaqtaryn sanıtarlyq sharalardy saqtaýǵa shaqyrady, óıtkeni ınfeksıanyń jańadan órshý qaýpi joǵary, onyń ishinde COVID-19 mýtasıalanǵan shtammdary tez enýi múmkin. Betperde taǵý rejımin, áleýmettik qashyqtyqty saqtaý, adamdar kóp jınalatyn jerlerden aýlaq bolý, sondaı-aq medısınalyq qarsy kórsetilimder bolmasa, COVID-19 vaksınasyn alý óte mańyzdy.