Bılik ókilderi buǵan qatysty áli túsinikteme bergen joq.
Biraq Túrkimenstanda balabaqshalar men mektepterde jańajyldyq sharalar ótkizilmeıdi, dep habarlaıdy Almaty-akshamy.kz "Hronıkı Týrkmenıstana" saıtyna silteme jasap.
Sondaı-aq, jergilikti jerlerdegi ákimshilik ǵımarattar men keńselerdiń aldynda shyrsha ornatýǵa da ruqsat etilmedi.
Bıyl Túrkimenstanda Jańa jyl qarsańynda dinı tendensıalar kúsh alyp tur.
Imamdar meshitke kelýshilerge "musylmandarǵa jat merekeni atap ótpeýdi" ýaǵyzdaýda, bazarlarda shoshqa eti satylymyn shektep, al vedimistik ǵımarattar aldyna ornatylǵan shyrshalar, kerisinshe alynyp tastalyp jatyr. Degenmen ótken jyly, kerisinshe, ǵımarattyń aldyna, sondaı-aq ishine de, ıaǵnı eki shyrsha ornatý tapsyrylǵan.
Osyǵan qaramastan Túrkimenstan halqy, ádettegideı Jańa jyldy qarsy alýǵa daıyndalyp jatyr. Saýdagerler polıseılerdiń ózderine 31 jeltoqsanda keshki saǵat 10-nan keıin alkogól satýǵa tyıym salynatynyn eskertkenin aıtyp, shaǵymdanýda.