Prezıdenttiń tapsyrmasyn oryndaý úshin memlekettik komısıa qurylyp, zertteý jumystary júrip jatyr.
Ǵalymdar men at sporty federasıasynyń ókilderi Mańǵystaý oblysynyń aýyldaryn aralap, jylqy týraly málimet jınap júr, dep habarlaıdy Almaty-akshamy.kz
Adaı jylqysy qazaq baǵzydan salt minetin jylqy tuqymy. Tózimdiligi týraly túrli ańyz-áńgime kóp. Arnaıy qurylǵan memlekettik komısıa músheleri oblystyń barlyq aýdanyn aralap, tyń derekter jınady. Ári jylqynyń genetıkalyq qurylymyn ǵylymı synaqtan ótkizdi.
"Adaı jylqysy, qazaqy jylqy tuqymdary, munyń bári halyq seleksıasymen shyǵarylǵan. Bul jerde naqty myna kisi jasady dep aıta almaımyz. Eń aldymen, bul halyq seleksıalyq jańa tuqym bolyp shyǵady. Al keıin zańǵa qaraı qalǵan avtorlardy qosýǵa bolady", - deıdi komısıa múshesi Seıilhan Rahmanov.
Adaı jylqylaryna asyl tuqymdy mal mártebesin berý úshin aımaqta birneshe shara uıymdastyryldy. Nátıjesi joq emes. Bul týraly mamandar oblys ákimimen kezdesýde aıtty. Endi arnaıy akt jasalady. Artynsha patent alý úshin qujat aýyl sharýashylyǵy jáne ádilet mınıstrligine jiberiledi.
"Memleket basshysy Mańǵystaý oblysyna kelgende tapsyrma bergen bolatyn. Úlken jumys atqaryldy. Ǵasyrlar boıy ata-babalarymyzdyń atqarǵan, eshkimnen qun suramaı, eshkimge báldenbeı, aıanbaı, kúndep, saǵattap, aılap, jyldap atqarǵan isteriniń nátıjesi mine qazir resmı talaptarǵa reń alyp kele jatyr. Sol endi rettelýi kerek", - deıdi oblys ákimi Nurlan Noǵaev.