Onyń ishinde Almaty da bar.
"Qazgıdromettiń" boljamy boıynsha, jeksenbide Qazaqstannyń jeti qalasynda aýa sapasy nasharlaıdy, dep habarlaıdy Almaty-akshamy.kz
24 jeltoqsanda Almaty, Astana, Rıdder, Óskemen, Qaraǵandy, Temirtaý, Kókshetaý qalalarynda aýanyń lastanýy sıpatynda qolaısyz meteorologıalyq jaǵdaılar kútiledi.
Qolaısyz meteojaǵdaılar (QMJ) - atmosferalyq aýanyń betki qabatynda zıandy (lastaýshy) zattardyń jınalýyna yqpal etetin qysqa merzimdi meteorologıalyq faktorlardyń (tynymyq, álsiz jel, tuman, ınversıa) jıyntyǵy. QMJ paıda bolǵan kezde eldimekenderdegi atmosferalyq aýa sapasynyń nasharlaýy múmkin.
Lastaný deńgeıiniń qalyptasýyn anyqtaıtyn mańyzdy faktorlardyń biri - sınoptıkalyq jaǵdaıdyń boljamy (jel, jaýyn-shashyn, ylǵaldylyq, aýa temperatýrasy).
Qolaısyz aýa raıy jaǵdaıynda mynalarǵa keńes beriledi:
ashyq aýada, ásirese tas jol nemese basqa lastaný kózderiniń boıynda bolý ýaqytyn qysqartyńyz;
balalar men júkti áıelderge uzaq serýendeýden bas tartý usynylady;
ókpeniń sozylmaly aýrýlarymen, júrek-qan tamyrlary, alergıalyq aýrýlarmen aýyratyn adamdar ashyq aýada bolǵan kezde dári-dármekterdi ózderimen birge alyp júrýi kerek;
ashyq aýada fızıkalyq belsendilikti shekteńiz. Dene shynyqtyrý jáne sportpen shuǵyldaný jabyq sport keshenderinde júrgiziledi.