Qazaqstannyń Túrkıada segiz Qurmetti konsýldyǵy bar.
QR Syrtqy ister mınıstrliginiń aqparatyna sáıkes, Túrkıa shyǵysyndaǵy Ahlat qalasynda Qazaqstannyń Qurmetti konsýldyǵy ashyldy, dep habarlaıdy Almaty-akshamy.kz
Qurmetti konsýldyqtyń ashylýyna Bıtlıs provınsıasynyń gýbernatory, depýtattar, qala men aýdan merleri, provınsıanyń aldyńǵy qatarly ókilderi jáne buqaralyq aqparat quraldary qatysty.
Ókildiktiń tusaýkeser saltanatynda Elshi Abzal Saparbekuly búgingi erekshe is-shara baýyrlas elder Qazaqstan men Túrkıa arasyndaǵy dıplomatıalyq qarym-qatynastyń mereıli 30 jyldyǵy qarsańynda ótip jatqanyn atap ótti.
Sondaı-aq strategıalyq ári senimdi nysanda qalyptasqan ekijaqty yntymaqtastyqqa nazar aýdardy. Osy rette, tarıhı mańyzy bar Ahlat qalasynda Qurmetti konsýldyqtyń ashylýy eki eldiń rýhanı-mádenı, ekonomıkalyq qarym-qatynastarynyń damýyna oń septigin tıgizetinine senim bildirdi.