27 tamyzdan bastap qoldanysqa engizilgen qaýlyǵa sáıkes, endi Túrkıa azamattary Qazaqstanda 90 kúnge deıin vızasyz júre alady, dep habarlaıdy aqshamnews.kz
Qujatta aıtylǵandaı, eger Qazaqstan Respýblıkasynda bolý kezeńi Qazaqstan Respýblıkasynyń Memlekettik shekarasyn kesip ótken kezden bastap kúntizbelik otyz kúnnen aspasa, Aýstralıa Odaǵynyń, Amerıka Qurama Shtattarynyń, Aýstrıa Respýblıkasynyń, Bahreın Koróldiginiń, Belgıa Koróldiginiń, Bolgarıa Respýblıkasynyń, Birikken Arab Ámirlikteriniń, Vatıkan Qasıetti Taǵynyń, Vetnam Sosıalısik Respýblıkasynyń, Germanıa Federatıvtik Respýblıkasynyń, Grek Respýblıkasynyń, Danıa Koróldiginiń, Jańa Zelandıanyń, Japonıanyń, Izraıl Memleketiniń, Irlandıa Respýblıkasynyń, Islandıa Respýblıkasynyń, Ispanıa Koróldiginiń, Indonezıa Respýblıkasynyń, Italıa Respýblıkasynyń, Kanadanyń, Qatar Memleketiniń, Kıpr Respýblıkasynyń, Kolýmbıa Respýblıkasynyń, Koreıa Respýblıkasynyń, Kýveıt Memleketiniń, Latvıa Respýblıkasynyń, Lıtva Respýblıkasynyń, Lıhtenshteın Knázdiginiń, Lúksembýrg Uly Gersogtiginiń, Majarstannyń, Malaızıanyń, Malta Respýblıkasynyń, Meksıka Qurama Shtattarynyń, Monako Knázdiginiń, Nıderland Koróldiginiń, Norvegıa Koróldiginiń, Oman Sultandyǵynyń, Polsha Respýblıkasynyń, Portýgalıa Respýblıkasynyń, Rýmynıanyń, Saýd Arabıasy Koróldiginiń, Sıngapýr Respýblıkasynyń, Slovak Respýblıkasynyń, Slovenıa Respýblıkasynyń, Taıland Koróldiginiń, Ulybrıtanıa men Soltústik Irlandıa Qurama Koróldiginiń, Fılıppınder Respýblıkasynyń, Fınlándıa Respýblıkasynyń, Fransýz Respýblıkasynyń, Horvatıa Respýblıkasynyń, Cheh Respýblıkasynyń, Chılı Respýblıkasynyń, Shveısarıa Konfederasıasynyń, Shvesıa Koróldiginiń jáne Estonıa Respýblıkasynyń azamattary kúntizbelik júz seksen kúnnen turatyn ár kezeń ishinde jıyntyǵynda kúntizbelik toqsan kún vızasyz Qazaqstan Respýblıkasyna keledi jáne Qazaqstan Respýblıkasynan ketedi.
Eger Qazaqstan Respýblıkasynda bolý kezeńi Qazaqstan Respýblıkasynyń Memlekettik shekarasyn kesip ótken kezden bastap kúntizbelik on tórt kúnnen aspasa, Iran Islam Respýblıkasynyń jáne Úndistan Respýblıkasynyń azamattary, kúntizbelik júz seksen kúnnen turatyn ár kezeń ishinde jıyntyǵynda kúntizbelik qyryq eki kún vızasyz Qazaqstan Respýblıkasyna keledi jáne Qazaqstan Respýblıkasynan ketedi.
Osy tarmaqtyń ekinshi bóliginde kórsetilgen, saparlarynyń uzaqtyǵy osy tarmaqtyń ekinshi bóliginde kózdelgenge sáıkes kelmeıtin kóship kelýshiler Qazaqstan Respýblıkasynyń aýmaǵyna kirer aldynda tıisti vıza alýǵa ótinish berýge tıis.
Eger Qazaqstan Respýblıkasynda bolý kezeńi Qazaqstan Respýblıkasynyń Memlekettik shekarasyn kesip ótken kezden bastap kúntizbelik toqsan kúnnen aspasa, Túrkıa Respýblıkasynyń azamattary kúntizbelik júz seksen kúnnen turatyn ár kezeń ishinde vızasyz Qazaqstan Respýblıkasyna keledi jáne Qazaqstan Respýblıkasynan ketedi.