Aqshamnews.kz redaktsıyasy "Kún sany" aıdarynda aptanyń eń mańyzdy derekteríne sholu jasady.
Qazaqstanda shıkízat emes eksport pen sauda kólemí 8,6%-ǵa óstí
2025 jylǵy qańtar–shílde aılarynda sauda kólemí 8,6%-ǵa, al salaǵa salynǵan ınvestıtsıya kólemí Í jartyjyldyqta 37%-ǵa ósíp, 438 mlrd teńgege jettí.
"Sauda salasynda 800 myńnan astam bıznes subektísí aınalysyp, 1,5 mln-nan astam adamdy jūmyspen qamtamasyz etíp otyr. "Aıtyldy-jasaldy" qaǵıdaty boıynsha Memleket basshysynyń Qazaqstan halqyna Joldauynda aıtqan tapsyrmalary qarqyndy túrde júzege asyryluda", - dep atap óttí sauda jáne ıntegratsıya mınıstrí Arman Shaqqalıev.
Dúken sóreleríníń 50 paıyzy - qazaqstandyq tauarlar
Dúken sóreleríndegí otandyq tauarlar úlesín arttyru maqsatynda otandyq óndírushíler ónímderí úshín kemínde 50% sórelík keńístíktí kózdeıtín baǵdarlama íske qosyldy.
Sonymen qatar, sapasyz árí qauíptí ónímderdíń naryqqa enuíne shekteu qoyu baǵytynda belsendí jūmys júrgízílíp jatyr.
"Barlyq baqylaushy organdardyń qatysuymen Ahualdyq shtab tıímdí jūmys atqaruda. 47 myńnan astam kólík tekseríldí, tauarlyq salmaqta būl 600 myń tonnadan astam mal sharuashylyǵy ónímderí. Onyń íshínde 900-den astam avtokólík kerí qaıtaryldy, 1 myńnan astam sáıkestíktí rastau qūjattarynyń kúshí joıyldy", – dep atap óttí Arman Shaqqalıev.
Úkímette aldaǵy úsh jyldyq kezeńge arnalǵan respublıkalyq byudjettíń jobasy qaralady
"2026-2028 jyldarǵa arnalǵan respublıkalyq byudjet turaly" Zań jobasy Úkímet otyrysynda ūsynyldy. Qarjy mınıstrí Mádı Takıev elímízdíń bas qarjy qūjatynyń negízgí parametrlerí turaly bayandady.
Kírís qandaı bolmaq?
Onyń aıtuynsha, 2026 jyly kíríster 23,1 trln teńge, 2028 jylǵa qaraı 27,6 trln teńgege deıín artady, shyǵystar – 27,7 trln teńge bolady. Byudjet tapshylyǵy 2026 jylǵy jalpy íshkí ónímníń 2,5%-ynan 2028 jylǵa qaraı jalpy íshkí ónímníń 0,9%-yna deıín kezeń-kezeńímen tómendetíledí. Mınıstr byudjet ūzaq uaqyt íshínde alǵash ret Ūlttyq qordan nysanaly transfertterdí paıdalanbaı teńdestírílgenín atap óttí.
Shyǵystardyń negízgí úlesí – 38,7% nemese 10,7 trln teńge, dástúrlí túrde áleumettík salaǵa baǵyttalǵan.
"Taza Qazaqstan" bastamasy ayasynda 1,3 mlrd-tan asa kóshet egíldí
"Memlekettík orman qory aumaǵyna 1 mlrd 369 mln kóshet, onyń íshínde Aral teńízíníń qūrǵaǵan túbíne sekseuíl kóshetteríníń 48,7 mln danasy egíldí", - dep málímdedí QR ekologıya jáne tabıǵı resurstar mınıstrí Erlan Nysanbaev.
Zań jáne tártíp: Qazaqstanda qylmystar sanynyń 13%-ǵa tómendeuí tírkeldí
"Bízdíń jūmystyń negízí – "Zań jáne tártíp" qaǵıdaty. Aldyn alu sharalarynyń arqasynda qylmystar sany 13%-ǵa tómendedí. Būl ótken jylmen salystyrǵanda 9 myńǵa az. Kísí óltíru, qaraqshylyq, tonau, būzaqylyq, ūrlyq jáne mal ūrlyǵy azaıdy. Būryn sottalǵandar jasaıtyn, qoǵamdyq oryndarda jáne qaru-jaraqpen jasalatyn qylmystyq qūqyq būzushylyqtar sayabyrsydy. Būl rette olardyń ashyluy jaqsardy", - dep atap óttí íshkí íster mınıstrí Erjan Sádenov.