Joǵary sapa men qaýipsizdik deńgeıi: Almatyda taǵy eki jaıly mektep paıdalanýǵa berildi

Joǵary sapa men qaýipsizdik deńgeıi: Almatyda taǵy eki jaıly mektep paıdalanýǵa berildi Cýret: Almaty qalasy ákimdiginiń baspasóz qyzmeti

Almatyda «Keleshek mektepteri» baǵdarlamasy aıasynda taǵy eki zamanaýı mektep salyndy

Árqaısysy 2000 oqýshyǵa arnalǵan bul jańa bilim ordalary Prezıdent Qasym-Jomart Toqaevtyń tapsyrmasymen júzege asyrylyp otyrǵan «Keleshek mektepteri» ulttyq baǵdarlamasy aıasynda boı kóterdi, dep habarlaıdy Aqshamnews.kz.

BCN Group (BAZIS Construction) Medeý aýdanynda, Qulja tas jolynan ońtústikke qaraı ornalasqan «Shyǵys qaqpasy» jańa polısentriniń aýmaǵynda №220 mektepti saldy. Al Alataý aýdanyndaǵy S. Ashımov kóshesinde ornalasqan №222 mektepti BAZIS-A Corp. kompanıasy turǵyzdy.

Dástúrge saı, jańa oqý jylynyń qarsańynda kompanıalar bolashaq oqýshylar men olardyń ata-analaryna arnap ashyq esik kúnderin ótkizdi. Qonaqtar mektepterdiń sáýlettik jáne ıntererlik sheshimderin tamashalap, zamanaýı tehnıkalyq jabdyqtardy synap kórý múmkindigine ıe boldy.

Jalpy aýdany 18 myń sharshy metrdi quraıtyn úsh qabatty ǵımarattar nebári toǵyz aıdyń ishinde salynyp, kelisimshartta kórsetilgen merzimnen buryn – bıylǵy jeltoqsanǵa deıin paıdalanýǵa berildi. Ár mektep 13 bloktan turady, bastaýysh, orta jáne joǵary býynǵa bólingen, tórt jeke kireberisi bar.

Mektepterde 440 oryndyq keń asqanalar, 430 oryndyq akt zaldary bar. Bul zaldardyń jaılylyǵy zamanaýı kınoteatrlar deńgeıine sáıkes, sondaı-aq múmkindigi shekteýli balalarǵa arnalǵan arnaıy aımaqtar qarastyrylǵan. Sonymen qatar, tabıǵı jaryq túsetin keń kitaphanalar, demalys jáne oqý aımaqtary, balalardyń jan-jaqty dene damýyna arnalǵan zamanaýı sport zaldary jabdyqtalǵan.

№220 mekteptiń dırektory Manat Ashırbekova atap ótkendeı, jańa bilim ordasynda balalar tek dástúrli akademıalyq bilim alyp qana qoımaı, sonymen birge ózderiniń jeke qabiletterin, talanttary men darynyn damytýǵa barlyq múmkindikke ıe bolady:

«Shyǵarmashylyqpen aınalysýǵa, akterlik sheberlikti meńgerýge, ómirlik jaǵdaılardy sheshýdiń tyń joldaryn tabýǵa barlyq jaǵdaı jasalǵan», – dedi ol.

Bul mektepke Medeý aýdanynyń «Dýman», «Dýman-2», «Atyraý», «Kensaı» jáne «Alataý» shaǵynaýdandarynda turatyn balalar barady. Bul sheshim №64, 98 jáne 99 mektepterindegi oqýshy júktemesin edáýir azaıtady.

Al Alataý aýdanyndaǵy №222 mekteptiń qurylysy kezinde ıntererdi kórkemdeýge erekshe kóńil bólindi. Aǵylshyn tili kabınetteriniń janynda áıgili Bıg-Ben, qyzyl telefon býdkasy jáne Ulybrıtanıa týy beınelengen. Bastaýysh synyp oqýshylary úshin qabyrǵalarda matematıkalyq mysaldar, álipbı jáne «Bilim aǵashy» ornalastyryldy. Tarıh kabıneti janynda Qoja Ahmet Iasaýı kesenesiniń sýretteri, kerýen joly, karta jáne Shoqan Ýálıhanov, Abaı Qunanbaev, Ybyraı Altynsarın, Stıv Djobs syndy uly tulǵalardyń qanatty sózderi jazyldy.

№222 mekteptiń matematıka páni muǵalimi Tańsholpan Momynqulova:

«Mektep óte sapaly, jan-júrekpen salynǵan. Barlyq jaǵdaı oılastyrylǵan. Qurylysshylarǵa jáne memleketke úlken alǵysymyzdy bildiremiz», – dedi.

Ata-analar men balalar jańa mektepterge erekshe qýanyp, jańa oqý jylyn asyǵa kútýde. Bolashaq oqýshylardyń analary Aktoty Jubatqanqyzy men Maıgúl Sarkytbekqyzy jańa mekteptiń jabdyqtalýy men kompúterlik qamtylýy keıbir jekemenshik bilim berý oryndarynan da joǵary ekenin aıtty.

BCN Group (BAZIS Construction) jáne BAZIS-A Corp. kompanıalarynyń málimdeýinshe, mektepterdiń qurylysy kezinde seısmıkalyq jáne órt qaýipsizdigi talaptaryn qosa alǵanda, eń joǵary sapa jáne qaýipsizdik standarttary saqtalǵan. Ǵımarattar beınebaqylaý kameralarymen, dabyl túımelerimen jabdyqtalǵan jáne ınklúzıa talaptaryna tolyq sáıkes keledi: pandýstardan bastap arnaıy lıftilerge deıin.

Mektepter jobasyn sátti iske asyrýǵa «Samruk-Kazyna Construction» AQ tapsyrys berýshi retinde qajetti qoldaý kórsetti.

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
1
Sońǵy jańalyqtar

22:51

22:11

18:46

18:14

17:57

17:51

17:34

17:34

17:34

16:44

16:43

16:36

16:07

16:06

15:56

15:29

15:00

14:45

14:43

14:38

13:31

13:03

12:49

12:00

11:24