Zilzaladan 45 968 adam qaza tapqany belgili boldy, olardyń 4 267-si - Sırıa azamaty.
Túrkıanyń İshki ister mınıstri Súleıman Soılý Hataı provınsıasyndaǵy óńirlik AFAD úılestirý ortalyǵynda málimdeme jasady, dep habarlaıdy Almaty-akshamy.kz Anadoly agenttigine silteme jasap.
«Qazirgi ýaqytta zilzaladan 45 968 adam qaza tapqany belgili boldy, olardyń 4 267-si - Sırıa azamaty», - dep málimdedi Túrkıa İİM basshysy.
Sondaı-aq ol alǵashqy jer silkinisinen keıin 13 myńnan asa qaıta dúmpý tirkelgenin atap ótti.
«Jalpy sany 26 300 ǵımarat qırady. Olardyń 26 032-niń qıraǵan ornynda izdeý-qutqarý jumystary júrgizildi», - dedi ol.
Eske sala ketsek, 6 aqpanda Túrkıada magnıtýdasy 7,7 baldyq joıqyn jer silkinisi boldy. Epısentri Kahramanmarash provınsıasyndaǵy Pazardjık aýdanynda bolǵan zilzala oshaǵy 7 shaqyrym tereńdikte bolǵan. Jer silkiný saldarynan Hataı, Gazıantep, Kılıs, Osmanıe, Malatá, Adyıaman, Shanlyýrfa, Dıarbekır, Adana jáne Kahramanmarash provınsıalarynda kóptegen ǵımarattar qırady.