«Úsh qońyr» jáne «Vesnovka» turǵyn úı kesheni boıynsha sanksıalar berildi.
Almatyda «Úsh qońyr» jáne «Vesnovka» turǵyn úı kesheni boıynsha sanksıalar berildi, dep habarlaıdy Almaty-akshamy.kz Bas prokýratýraǵa silteme jasap.
«Polısıa «Úsh qońyr» jáne «Vesnovka» turǵyn úı kesheni úleskerleriniń ujymdyq aryzy negizinde Qazaqstan Respýblıkasy Qylmystyq kodeksiniń 190-baby, 4-bóligi, 2-tarmaǵy (alaıaqtyq) boıynsha qylmystyq isti tergep-tekserilýde. Almaty qalasynyń prokýratýrasy tergeý organynyń «Lider Group Consalt» JSHS dırektory men birqatar tulǵalaryn kúzetpen ustaý túrindegi bultartpaý sharasyn qoldaný týraly ótinishhatyn qoldady», - delingen habarlamada.
Almaty qalasynyń tergeý sotynyń sanksıasymen 2 aı merzimge kúzetpen ustaýǵa alyndy.
Sotqa deıingi tergep-tekserý jalǵasýda, tergeý organdary istiń mán-jaıyn anyqtaý úshin barlyq sharalardy qoldanýda jáne prokýratýranyń baqylaýynda.
Aıta ketelik, buǵan deıin Almaty ákimi «Úsh qońyr» jáne «Vesnovka» turǵyn úı keshenindegi daýly páterlerge qatysty pikir bildirip, onda páterler satýǵa tyıym salynǵan aıtqan edi.