Shavkat Rahmonov Las-Vegasta UFC sheberin merziminen buryn jeńdi.
Qazaqstandyq Shavkat Rahmonov (16-0) Las-Vegasta (AQSH) ótken UFC 285 aralas jekpe-jek básekesinde jeńiske jetti, dep habarlaıdy Almaty-akshamy.kz QazAqparatqa sileme jasap.
Ol amerıkandyq belgili faıter Djeff Nılmen (15-4) sheberlik baıqasty. Nátıjesinde úshinshi raýndta ony tunshyqtyrý ádisimen jeńip ketti.
Aıta ketsek, jekpe-jek aldynda Djeff Nıl UFC orta salmaqtaǵy reıtıńinde Shavkat Rahmonovtan alda turdy. Reıtıńte amerıkandyq sportshy jetinshi orynǵa jaıǵassa, qazaqstandyq onynshy orynǵa turaqtaǵan edi.
Osylaısha Shavkat Rahmonov kásipqoı mańsabyndaǵy on jetinshi jeńisine qol jetkizdi. Ázirge eshqandaı jeńilistiń ashshy dámin tatqan joq.
Al Djeff Nıl besinshi márte qarsylastaryna ese jiberdi.
Aldyn ala málim bolǵandaı, Sh. Rahmonovtyń qarsylasynyń salmaǵy shekti mejeden asyp ketti. Atap aıtqanda, tarazyǵa turǵan otandasymyzdyń salmaǵy 77,56 keli, al amerıkalyqtyń salmaǵy 79,37 keli boldy. Osyǵan qaramastan, Shavkat Rahmonov pen Djeff Nıl jekpe-jegi salmaq aıyrmashylyǵyna qaramastan ótti.