Qazaqstannyń Túrkıadaǵy Elshiligi el azamattaryn Otanǵa qaıtarý sharalaryn júrgizip jatyr, dep habarlaıdy almaty-akshamy.kz QazAqparatqa silteme jasap.
«Qurmetti Qazaqstan azamattary! 2023 jyly 6 aqpanda Túrkıanyń ońtústik-shyǵys aýmaǵynda bolǵan jer silkinisine baılanysty, 7 aqpanda Gazıantep qalasyndaǵy Qazaqstan azamattaryn elge alyp ketý sharalary júrgizilýde. Osy rette Qazaqstanǵa qaıtamyn degen QR azamaty bolǵan jaǵdaıda, 7 aqpanda jergilikti saǵat 12:00-de Gazıantep qalasynyń áýejaıynda tıisti prosedýralardan ótip (pasport baqylaýy, qaýipsizdik tekserisi t.b.), daıyn bolýy tıis», - dep málimdeme jasady Ystanbuldaǵy Qazaqstan konsýldyǵy.
Sonymen qatar Qazaqstanǵa oralýǵa nıetti azamattardyń tizimin qurastyrý úshin mindetti túrde kórsetilgen nómirlerge habarlasý qajet: +90 538 880 70 41 (Konsýl Temirlan Saılaýuly), +90 312 491 91 00 (kezekshi komendant).
Aıta keteıik, Qazaqstannyń qutqarýshylary jer silkinisi saldaryn joıýǵa kómek kórsetý úshin Almatydan Túrkıaǵa attandy. Onyń quramynda Qazaqstannyń respýblıkalyq jedel qutqarý jasaǵynyń qutqarýshylary, medısınalyq qyzmetkerler jáne qutqarýshy ıtter bar.