Áýe qorǵanysy kúshteri quramyndaǵy baılanys polkiniń 80-nen asa áskerı qyzmetshisi aýyr naýqas balalar úshin 36 lıtr qan tapsyrdy, dep habarlaıdy Almaty-akshamy.kz.
Osylaısha olar «Men – donormyn» aksıasyna qatysty.
Prosedýra aldynda áskerı qyzmetshiler saýalnama toltyryp, medısınalyq tekserýden ótti. Olardyń qandaǵy gemoglobın deńgeıin tekserip, qan qysymy men tamyr soǵysyn anyqtady.
«Mundaı aksıalarǵa árqashan qatysýǵa tyrysamyz. Balalardyń aýyr syrqatymen kúresip júrgen otbasylarǵa osylaısha úmit syılaımyz. Bul olarǵa aýrýdy jeńýge septigin tıgizetinine senemin», – dep atap ótti 78460 áskerı bólimi komandıriniń tárbıe jáne ıdeologıalyq jumys jónindegi orynbasary, podpolkovnık Serik Sarabozov.
Ofıserler, serjanttar men sarbazdar aksıaǵa qatysýdy ár ýaqyt paryzy sanap, balalardyń saýyǵyp ketýine shyn nıetten tilektes.