Qazaqstan tarapynan shahmat, snoýbord jáne shańǵy jarysyna 26 sportshy qatysady.
2-shi naýryzda Túrkıanyń Erzýrým qalasynda XX-shy qysqy Sýrdlımpıada oıyndary bastaldy, dep habarlaıdy Almaty-akshamy.kz
Dúbirli dodaǵa 36 memleketten 1000-ǵa jýyq sportshy qatysady. Jarysta taý shańǵysy, snoýbord, shańǵy jarysy, shahmat, fýtzal jáne kerlıng sport túrlerinen 34 komplekt medal oınatylady.
«Bıyl Qazaqstan Respýblıkasy qysqy Sýrdlımpıada oıyndaryna osymen úshinshi márte qatysqaly otyr. Sportshylarymyz jarystyń aldynda Shýchınsk jáne Almaty oblysynda oqý-jattyǵý jıyndarynan ótip, qysqy oıyndarǵa tyńǵylyqty daıyndyqpen keldi. Ulttyq qurama úshin alǵashqy saıys erten blıs shahmattan jáne shańǵy jarysynan bastalady. Sportshylarymyz atalmysh dodada laıyqty óner kórsetip, el qorjynyn Sýrdlımpıada oıyndarynyń medalimen tolyqtyrady dep senemin»,- dedi Dene múmkindikteri shekteýli tulǵalarǵa arnalǵan sporttyq daıarlaý ortalyǵynyń dırektorynyń orynbasary Ómirzaqov Ádilhan Bolathanuly.
Ashylý saltanaty 2024 jylǵy qysqy Sýrdlımpıada oıyndary resmı túrde bastalǵanyn bildiredi. Saltanatty sharada elimizdiń týyn shahmattan álem chempıonatynyń qola júldegeri Sultan Qojahmetov ustap shyqty.
«Bul meniń alǵashqy Sýrdlımpıada oıyndarym. Osyndaı úlken jarysta elimizdiń týyn ustap shyǵý men úshin mártebe. Senim artqan Sport komıtetine, Dene múmkindikteri shekteýli tulǵalarǵa arnalǵan sporttyq daıarlaý ortalyǵyna, Ulttyq Sýrdlımpıada komıtetine jáne barlyq qazaqstandyqtarǵa alǵysymdy sózben emes, ispen dáleldeýge tyrysamyn», - dedi Sultan Qojahmetov.
Aıta ketsek, Sýrdlımpıada oıyndaryna estý qabileti zaqymdanǵan sportshylar qatysady. Jarys aldynda sportshylar aýdıogrammadan ótip, qoıylǵan talaptarǵa saı keletindigin dáleldeý qajet. Qysqy oıyndar 12 naýryzǵa deıin sozylady.