"When I’ve Got You" atty jańa áni alǵash ret shyrqaldy.
Dımashtyń ánin qoıǵan "Andromeda" radıostansıasy rekordtyq kórsetkishke jetti, dep habarlaıdy Almaty-akshamy.kz
Onyń ánderi alǵash ret 7 aqpanda Meksıka radıosynan shyrqalǵan. 28 aqpanda Latyn Amerıkasynyń "Andromeda" radıostansıasynyń "Dımashtyń ǵalamy" baǵdarlamasynda qazaqstandyq ónerpazdyń "When I’ve Got You" atty jańa áni alǵash ret shyrqaldy.
Tyńdaýshylarǵa shyǵarma unaǵany sonsha, olar radıojúrgizýshilerden ony qaıta qoıýyn ótingen.
Universo Dimash ("Dımashtyń ǵalamy") baǵdarlamasy 2023 jyldyń 1 naýryzynda Qazaqstanda Alǵys aıtý kúni men Naýryz meıramynyń qarsańyna oraı efırge shyqqan edi.
Efırdiń tyńdaýshylar arasynda úlken tolqý men suranys týdyrǵany sonsha, Andromeda Radio júrgizýshileri tolyǵymen qazaqstandyq oryndaýshynyń shyǵarmashylyǵyna arnalǵan jańa baǵdarlama jasaýdy uıǵardy. "Dımashtyń ǵalamy" atty baǵdarlama qurylǵannan beri efırde 14 epızod jaryq kórdi.
28 aqpan kúngi radıostansıada qazaqstandyq ónerpaz Dımash Qudaıbergenniń kóptegen týyndylarynyń shyǵý tarıhy baıandalyp, ánderi shyrqaldy. Tyńdarmandar "When I’ve Got You" jańa ániniń tusaýkeserinen lázzat alyp, sondaı-aq: Battle of Memories, Neverland, War and Peace, Our Love, Be Happy, The meaning of eternity, Restart my love, The Crown jáne t.b. qytaı ánderin erekshe ásermen tyńdady.