Osylaısha, bizdiń azamattar memleket qorǵaýynda bolady, dep túsindirdi dıplomatıalyq vedomstvo.
Eseptik derekter tek tótenshe jaǵdaılar týyndaǵan jaǵdaıda olarmen shuǵyl baılanys ornatýǵa jáne odan ári is-qımyl máselesin sheshýge múmkindik berý úshin qajet. Tirkeýden onlaın ótýge bolady. Osyǵan baılanysty Qazaqstannyń Túrkıadaǵy Elshiliginiń resmı saıtyna ótip, saýalnamany toltyrý kerek, dep habarlaıdy Almaty-akshamy.kz.
Aıta keteıik, joıqyn zilzala qurbandary sany 30 myńǵa jýyqtady. Bul týraly Túrkıanyń tótenshe jaǵdaılardy úılestirý ortalyǵy habarlady. Dese de áli izdestirý-qutqarý jumystary jalǵasyp jatyr.
Dúnıejúzilik densaýlyq saqtaý uıymynyń málimeti boıynsha, Túrkıa men Sırıadaǵy jer silkinisinen 23 mln turǵyn zardap shekken. Olarǵa eriktiler de kómek qolyn sozýda.
Al Sırıada búgingi tańda úsh jarym myńnan astam adamnyń qaza bolǵany belgili. Ótken aptanyń sońynda «Aq dýlyǵa» uıymy izdeý-qutqarý jumystarynyń aıaqtalǵanyn málimdedi. BUU-nyń qyzmetkerleri japa sheken aýdandarǵa dári-dármekter men qajetti zattardy jetkizýde.