Bul týraly Premer-Mınıstrdiń orynbasary Altaı Kólginov aıtty.
Qazaqstanda qalalar men kóshelerdiń 3 myń ıdeologıalyq eskirgen ataýyn ózgertý josparlanǵan, dep habarlaıdy Almaty-akshamy.kz
Premer-Mınıstrdiń orynbasarynyń aıtýynsha, byltyrdan beri ıdeologıalyq turǵydan eskirgen ataýlardy qaıta ataý jónindegi 2022-2025 jyldarǵa arnalǵan Jol kartasy iske asyrylyp jatyr. Jol kartasynyń aıasynda 2021 jyly 68 eldi meken men olardyń 572 quramdas bóliginiń ataýlary ózgertilgen
"Jalpy jol kartasynyń sheńberinde 3 myńǵa jýyq eskirgen ataýlardy almastyrý josparlanǵan. Ataýdy berý kezinde mindetti túrde jergilikti turǵyndardyń pikiri eskeriledi jáne usynylyp otyrǵan ataýdyń tarıhy zertteledi", - delingen jaýapta.
2021 jylǵy qyrkúıekte respýblıkalyq onomastıka komısıa memleket pen qoǵamnyń damýyna zor úles qosqan qaıratkerler qatarynan "Tarıhı tulǵalar" tizimin qalyptastyrǵan. Ataýlardy ózgertý kezinde onomastıka komısıalary "Tarıhı tulǵalar" tizimine engen esimderdi paıdalanady.