Túrkıanyń kólik mınıstri Ábdilqadyr Oraloǵlý 22 mamyrda elimizdiń áýejaılarynda barlyq jolaýshylardy muqıat tekserýdi engizý týraly málimdedi, dep habarlaıdy almaty-akshamy.kz Hurriyet basylymyna silteme jasaı otyryp. Bul shara azamattyq avıasıa týraly zańnamaǵa ózgerister engizýge baǵyttalǵan jańa zań jobasy aıasynda júzege asyrylýda.
Ábdilqadyr Oraloǵlý jańa zań jobasyna túsinikteme bere otyryp, áýejaılarda jolaýshylardy tekserýdiń jańa qatań erejeleri týraly málimdedi. Onyń aıtýynsha, barlyq jolaýshylar áýejaıǵa kirgen kezde arnaıy jabdyqty paıdalanyp tekserýden ótedi.
"Jabdyq jetkiliksiz bolǵan jaǵdaıda qolmen tekserý júrgiziledi. Ózderin nemese zattaryn tekserýden bas tartqan jolaýshylar ushaqqa otyrýǵa ruqsat almaıdy", - dep atap ótti Oraloǵlý.
Oraloǵlý CNN Turk telearnasynda Túrkıanyń halyqaralyq azamattyq avıasıa uıymynyń múshesi ekenin jáne onyń talaptaryn belsendi oryndaıtynyn da atap ótti.
"Ushaqpen saıahattaý kezinde siz kez-kelgen tekserýge kelisip, mártebeńizge qaramastan jalpy qabyldanǵan erejelerdi ustanýyńyz kerek. Qaýip tóngen jaǵdaıda barlyǵy tekseriledi", - dep atap ótti mınıstr.