Argentına, Ýrýgvaı, Meksıka, Venesýela jáne Ispanıadan kelgen Dears qurǵan qazaqstandyq ánshiniń «Dımash úshin» jankúıerler toby Patagonıa dostarynyń qaýymdastyǵy úshin Argentınadaǵy orman órtteri sıaqty tabıǵı apattardan zardap shekken ormandardy qalpyna keltirýmen aınalysatyn Argentınanyń soltústiginen birlese otyryp 300 aǵash satyp aldy, dep habarlaıdy Almaty-akshamy.kz.
Dımash Qudaıbergenniń «OMIR» týyndysynan shabyttanǵan Dears:
«Bizdiń ómir jolymyzda kezdesken árbir adamnyń ózindik orny bar. Biz tabıǵattyń eń qunarly bóligi jer sıaqtymyz. Keıbir adamdar basqalardyń júreginde gúldegen mahabbat dánderi sıaqty. Olar óne boılaryna sulýlyqty, súıispenshilikti, meıirimdilik jáne náziktikti sińire bilgen.Dımashtyń daýysy – bir-birimizdi qurmetteýge, bir-birimizdi súıýge, beıbitshilik ornatýǵa jáne ǵalamsharymyzdy árqaısymyzdyń úıimizdeı kútýge shaqyratyn tamasha habar»,- dep barlyǵyn birigýge shaqyrdy.
OMIR jobasynyń alǵashqy qadamy Akambýko – Salta – Argentına tabıǵı qoryǵyna 300 aǵash jóneltýmen bastaldy.
Bul qoryq Argentınanyń soltústigindegi ósimdiktiń ár túri ósetin (sýbtropıkalyq jýnglı) Salta provınsıasynda ornalasqan. Quina Colorada, Urundales, Robles Criollos, Lanzas Blancas, Simaras, Pacaras jáne Horcos Cebiles sıaqty aǵash túrleri Akambýko qoryǵynyń pıtomnıginiń jumysy arqyly alyndy. Bul bastama sońǵy jyldary órt saldarynan zardap shekken óńirdiń bıoalýantúrliligin qalpyna keltirýdegi eleýli qadam bolyp tabylady.
Osy mańyzdy sharaǵa toptyń kóptegen músheleri qatysatyn bolǵandyqtan 24 mamyrda Ystambulda ótetin konsertte Dımash pen onyń komandasyna Patagonıa dostary qaýymdastyǵynyń Dımashtyń atyna berilgen sertıfıkat pen Dears jumysynyń tolyq sıpattamasy bar hatty tabystaý josparlanýda.