Zilzala oshaǵy 7 shaqyrym tereńdikte ornalasty
Túrkıanyń Kahramanmarash provınsıasynda qýaty 4,7 magnıtýdasymen jer silkinisi tirkeldi. Bul týraly Túrkıa úkimeti janyndaǵy Tótenshe jaǵdaılardyń aldyn alý jáne saldaryn joıý basqarmasynan (AFAD) málim etti, dep habarlaıdy Almaty-akshamy.kz QazAqparatqa silteme jasap.
Jerasty dúmpýi jergilikti ýaqytpen 09:47-de Góksýn aýdanynda tirkeldi. Zilzala oshaǵy 7 shaqyrym tereńdikte ornalasty.
Qaza tapqandar men qıraǵan ǵımarattar týraly aqparat túsken joq.
Eske salaıyq, 6 aqpanda Túrkıanyń Kahramanmarash provınsıasynda qýaty 7 baldan asatyn eki jer silkinisi boldy. Terbelis eldiń 10 provınsıasynda, sondaı-aq kórshiles memleketterde, sonyń ishinde Sırıada sezildi.
Mamandar aımaqta jerasty dúmpýleri áli de jarty jyl boıy jalǵasady degen boljam jasady. Túrkıada joıqyn zilzala bolatynyn boljaǵan Nıderland zertteýshisi Frank Hýgerbıts naýryz aıynyń basynda jańa apattar kútiletinin eskertti.
7 naýryzda Túrkıanyń Hataı, Kahramanmarash jáne Kaıserı provınsıalarynda úsh jer silkinisi boldy.