Kólik polıseıleri jolaýshyǵa poıyzda temeki shekkeni jáne alkogóldik ishimdik ishkeni úshin aıyppul saldy, dep habarlaıdy Almaty-akshamy.kz Polisia.kz saıtyna silteme jasap.
Aqtóbe stansıasyna Oral – Almaty baǵytyndaǵy jolaýshylar poıyzy kelgennen keıin jelilik polısıa bóliminiń qyzmetkerlerier adamdy akt boıynsha túsirip alǵan.
Tekserý barysynda kólik polıseıleri Batys Qazaqstan oblysynyń 32 jastaǵy turǵynyn anyqtady. Ol masań kúıinde vagonnyń tambýrynda temeki shegip, poıyz brıgadıriniń eskertýine qulaq aspaǵan.
Quqyq buzýshyǵa qatysty QR ÁQBtK-niń 440-baby jáne 441-baby boıynsha eki ákimshilik materıal toltyrylyp, 20 aılyq eseptik kórsetkish mólsherinde aıyppul salyndy.
Eske sala ketsek, jyl basynan beri kólik polıseıleri túrli ákimshilik quqyqbuzýshylyqtar jasaǵany úshin 10650 quqyq buzýshyny jaýapqa tartty. Onyń ishinde alkogóldik ishimdikterdi ishkeni nemese qoǵamdyq oryndarǵa masań kúıinde kelgeni úshin 1161 adam, temeki ónimderin tutynýǵa tyıym salýdy buzǵany úshin 388 adam jazalanǵan.