«Medeý» - «Tuıyq sý» Úlken Almaty ózeniniń baǵytyndaǵy avtojoldarda blokbekketter ornatyldy
«Shymbulaq» taý shańǵy kýrorty aýmaǵynda profılaktıkalyq maqsatta qar kóshkini túsirildi, dep habarlaıdy Almaty-akshamy.kz.
Almaty qalalyq Tótenshe jaǵdaılar departamentiniń málimetinshe, búgin turǵyndardyń qaýipsizdigin qamtamasyz etý maqsatynda kýrort aýmaǵynda «Avalancheur» pnevmatıkalyq quraldarynyń kómegimen kóshki túsirildi.
«Profılaktıkalyq jumystarǵa «Shymbulaq» shańǵy kýrorty qyzmetkerleri, Almaty qalasy TJD, «Qazseldenqorǵaý» MM, «Qazgıdromet» RMK mamandary qatysty. Profılaktıkalyq jumystardy júrgizý nátıjesinde 900 tekshe metrden astam qar massasy túsip, shańǵy kýrortynyń demalýshylary úshin qaýipsizdik qamtamasyz etildi»,- delingen TJD habarlamasynda.
Aıta keteıik, aýa temperatýrasynyń joǵarylaýy men qar jamylǵysynyń turaqsyz jaǵdaıyna baılanysty Almaty taýlarynda qar kóshkini qaýpi saqtalady. «Medeý» - «Tuıyq sý» Úlken Almaty ózeniniń baǵytyndaǵy avtojoldarda blokbekketter ornatyldy. Osyǵan oraı, Almaty qalasynyń TJD osy ýaqytta taýly jerlerge barmaýǵa, qar tik ornalasqan taý betkeılerinen saq bolýǵa, taý shańǵysy kýrortyndaǵy qorshaýlardan shyqpaýǵa keńes beredi.