Túrkıadaǵy jer silkinisinen keıin joǵalǵan Mırýs Qurmashevtiń taǵy úsh áriptesi baılanysqa shyqpaı qaldy. Olardyń ekeýi qazaqstandyqtar jáne biri – Túrkıa azamaty, dep habarlaıdy Almaty-akshamy.kz.
«Mırýspen birge onyń úsh áriptesi de baılanysqa shyqpaı qaldy: Ádil Qadyrbekov, Sabına Mamadıarova, Kubilay Keskin», - dep jazdy Astana Hub Bas dırektory Maǵjan Mádıev Instagram paraqshasynda.
QR Syrtqy ister mınıstrliginiń resmı ókili Aıbek Smadıarov habarlaǵandaı, olardy izdestirý jumystary júrip jatyr.
Sonymen qatar Maǵjan Mádıev joǵalǵandardy izdeý úshin Hataı qalasyna ózi bara jatyr. Astana Hub basshysy olardyń ornalasqan jeri týraly birneshe ilgek baryn aıtýda.
Aıta keteıik, Astana Hub tehnoparkiniń halyqaralyq agenti Mırýs Qurmashev Hataı qalasynda joǵalyp ketti. Jer silkinisinen keıin Mıraspen baılanys úzilgen.