Duǵa tileý rásimi Indonezıanyń Sýrabaıa qalasynda ótti.
«Islam fıqhy jahandyq órkenıet úshin» birinshi halyqaralyq konferensıasynda Túrkıa men Sırıadaǵy zilzaladan qaıtys bolǵandardyń rýhyna jáne álemdegi beıbitshilik pen tynyshtyq úshin bir mezette 300-den asa ǵalym men din qaıratkeri duǵa jasady, dep habarlaıdy Almaty-akshamy.kz Muftyat.kz-ke silteme jasap.
Sondaı-aq Bas múftı Naýryzbaı qajy Taǵanuly Dinı basqarma ujymymen birge Sýrabaıa qalasyndaǵy záýlim meshitterdiń biri «Masjid Nasional Al Akbar»-ǵa zıarat etip, Alla Taǵaladan Túrkıa men Sırıa jurtynyń amandyǵy úshin arnaıy duǵa tiledi.
«Ýa, Rabbym, álem halqyna amandyǵyńdy ber, musylmandarǵa tynyshtyq, berekeńdi ber. Túrkıa halqy men Sırıa jurtyna óziń jar bola kór. Qıyndyqta qalǵan baýyrlarymyzdy óziń qutqar, Rabbym! Qazaq halqyna da tynyshtyq, bereke násip et», - dep duǵa jasady Bas múftı.