Qylmystyq is boıynsha 76 jábirlenýshi bar.
Almatyda túlekterdiń ata-analary ondaǵan mıllıon teńgege aldanǵan, dep habarlaıdy Almaty-akshamy.kz Polisia.kz-ke silteme jasap.
Bul joly “kásipkerlikti” joǵary synyp oqýshylaryn UBT-ǵa daıyndaıtyn bilim berý ortalyǵynyń dırektorynyń atynan “áreket etken” 22 jastaǵy J. esimdi azamat kórsetti.
«Kelisimshart talaptaryna sáıkes, ata-anaǵa 238 myń teńgeni bólip tóleýge bolatyn. Sóıte tura, bala testileýden ótpeı qalsa, “muǵalim” aqshany qaıtarýǵa ýáde bergen. İs júzinde oqý ortalyǵynyń negizin qalaýshy joq bolyp ketken. Balalar ýáde etilgen sabaqtardy almaǵan. Al ata-analary polısıaǵa kómek surap júgingen. Atalǵan derek QR QK-niń 190-baby 3-bóligi (Alaıaqtyq) boıynsha sotqa deıingi tergeýdiń biryńǵaı tizilimine tirkeldi. Tergeýdiń qazirgi satysynda qylmystyq is boıynsha 76 jábirlenýshi bar. Kúdikti ustaldy jáne qamaýda otyr», – dedi Medeý aýdandyq polısıa basqarmasynyń bastyǵy İlıas Ómirserikov.