10 aqpanda Túrkıanyń ońtústik-shyǵysyndaǵy Kahramanmarash qalasynda qutqarý-izdestirý jumysy barysynda áıeldiń denesi tabyldy.
Almatydan kelgen týystary ony Qazaqstan azamaty Janar Jaqsybekova dep tanydy, dep habarlaıdy Almaty-akshamy.kz QazAqparatqa silteme jasap.
«Qazaqstandyq dıplomattar qaza tapqan otandasymyzdyń denesin Kahramanmarashtan Antalıaǵa jáne odan ári Almatyǵa jetkizýge, sondaı-aq qajetti qujattardy resimdeýge barynsha járdem kórsetti. Búgin máıit Taldyqorǵan qalasyna jetkizildi», - dep málimdedi Syrtqy ister mınıstrligi.
Tasymaldaý boıynsha barlyq shyǵyndy memleket óz moınyna aldy.
Sonymen qatar, Pegasus túrik avıakompanıasy qaza tapqan QR azamatynyń birge kelgen týystaryna 90 paıyzdyq jeńildik beretin boldy.
Eske sala keteıik, buǵan deıin SİM resmı ókili Aıbek Smadıarov Kahramanmarashta taǵy bir qazaqstandyq izdestirilip jatqanyn habarlaǵan edi.
«Ol osy jyldyń 6 aqpanynan beri baılanysqa shyqpady, turatyn jeri - Kahramanmarash qalasy. Ápkesi mınıstrliktiń «jedel jelisine» habarlasqannan keıin ony izdeý jumystaryn bastadyq. Qazirgi ýaqytta Qazaqstan Elshiliginiń qyzmetkeri osy qalaǵa baryp, túrik qutqarýshylarymen birlesip ony izdestirýde. Kórshilerdiń aıtýynsha, úı qıraǵan kezinde onyń ishinde bolǵan», - dedi Aıbek Smadıarov.