37 056 er azamat shaqyrylady.
QR Úkimeti 9 aqpandaǵy QR prezıdentiniń Qazaqstan Qarýly Kúshterine kezekti merzimdi áskerı qyzmetke shaqyrý týraly jarlyǵyn iske asyrý týraly qaýly qabyldady, dep habarlaıdy Almaty-akshamy.kz
Atap aıtqanda, óńirlerdegi ákimdikterge shaqyrý komısıalarynyń jumysyn uıymdastyrý jáne 2023 jyldyń naýryz-maýsym jáne qyrkúıek-jeltoqsan aılarynda 18 ben 27 jas aralyǵyndaǵy keıinge qaldyrýǵa nemese bosatýǵa quqyǵy joq 37 056 er azamatty shaqyrýdy qamtamasyz etý tapsyryldy.
Sonymen qatar ákimdikter shaqyrý pýnktin medısına jaǵynan qamtamasyz etýdi uıymdastyryp, merzimdi áskerı qyzmetke otstavkadaǵy áskerı qyzmetshiler men áskerı qyzmetke shaqyrylǵan azamattardy tasymaldaýdy qamtamasyz etýge tıis.
Áskerı mindettiler men otstavkadaǵy áskerı qyzmetshilerdi tasymaldaýǵa arnalǵan shyǵyndy óteý tikeleı tasymaldaýdy júzege asyratyn uıymdarǵa olar usynǵan shot boıynsha respýblıkalyq búdjette osy maqsattarǵa kózdelgen qarajat esebinen júrgiziledi.
İshki ister mınıstrligine áskerge shaqyrylýshylardy jınaý jáne jiberý oryndarynda ishki ister organdary qyzmetkerleriniń kúsheıtilgen kezekshiligin uıymdastyrý qajet.
Qaýly qol qoıylǵan kúninen bastap kúshine enedi.
2023 jylǵy 2 qańtarda Qasym-Jomart Toqaev merzimdi áskerı qyzmetshilerdi zapasqa shyǵarý jáne 2023 jylǵy naýryz-maýsym jáne qyrkúıek-jeltoqsan aılarynda ótetin áskerge kezekti shaqyrý týraly jarlyqqa qol qoıdy.