10 adam aýrýhanaǵa jetkizildi.
Túrkıanyń soltústigindegi Sarykamysh qalasynda qonaqúıdiń shatyry qulap, 10 adam aýrýhanaǵa jetkizildi. Bul týraly Kars provınsıasynyń gýbernatory málimdedi, dep habarlaıdy Almaty-akshamy.kz Tengrinews.kz silteme jasap.
«Zardap shekken 10 adam aýrýhanaǵa jatqyzyldy», - delingen habarlamada.
Kars provınsıasynyń gýbernatory zardap shekkenderdiń ómirine qaýip tónip turmaǵanyn aıtty.
Eldiń Densaýlyq saqtaý mınıstri Fahrettın Qoja 32 azamattyń jaraqat alǵanyn, onyń toǵyzy aýrýhanaǵa jatqyzylǵanyn málimdegen.
Basylym málimetinshe, qaıǵyly oqıǵa Birinshi dúnıejúzilik soǵysta qaza tapqandardy eske alýǵa kelgen turǵyndardyń basqosýy kezinde bolǵan.
Ǵımaratta eske alý sharalary ótip, onyń aıasynda qonaqúı foıesinde teatrlandyrylǵan qoıylym kórsetilgen. Tóbeniń qulaýynan keıin oqıǵa ornyna brıgadalar jónetilgen. Qutqarý jumystary jalǵasyp jatyr.
Jastar jáne sport mınıstri Mehmet Kasapoglý qonaqúıde eshkimniń qalmaǵanyn jáne qonaqtardyń ómirine esh qaýip tónbeıtinin basa aıtqan.