Qaıtalama naryqtaǵy úı baǵasy sol kúıinde qalýy múmkin.
Qazaqstan rıeltorlarynyń birikken qaýymdastyǵy prezıdentiniń keńesshisi Nına Lýkánenko turǵyn úı naryǵyndaǵy ahýal týraly pikir bildirdi, dep habarlaıdy Almaty-akshamy.kz QazAqparatqa silteme jasap.
«Mámileler jetkilikti ári turaqty kólemde jasalyp jatyr. Qazaqstan boıynsha aı saıynǵy mámilelerdiń jalpy sany 35 myń deńgeıinde qalady dep boljaýǵa bolady. Aıyrmashylyq 2-3 myńnyń kóleminde», - deıdi Nına Lýkánenko.
Sarapshy jyljymaıtyn múlikke suranys aıtarlyqtaı joǵary ekenin aıtady.
«Bizdiń elde turǵyn úıge degen suranys joǵary bolyp qala beredi - halyqtyń tabıǵı ósimi men kóshi-qon qarqyny oń», - deıdi ol.
Maman qaıtalama naryqtaǵy jyljymaıtyn múlik usynystary joǵary bolǵandyqtan, onyń baǵasy kóterilmeıdi dep boljaıdy.
Al bastapqy naryqta usynys azaıýy múmkin.
«Jańa jobalar sanynyń aıtarlyqtaı tómendeýi, sondaı-aq qurylys materıaldarynyń qymbattaýy bastapqy naryqta turǵyn úı baǵasyn kóterýi múmkin. Satý bólimderinde úlken kezek bolmaǵandyqtan, qurylys kompanıalary túrli aksıalardy usynyp jatyr», - dep túsindirdi Nına Lýkánenko.
Ulttyq statısıka búrosynyń málimetine súıensek, 2022 jylǵy qarashadaǵy jaǵdaı boıynsha, qaıtalama naryqtaǵy páterlerdiń baǵasy 12 aıda 26,9%, jańa turǵyn úıdiń baǵasy 17,3% ósken. 2022 jyldyń qarashasynda kóp qabatty turǵyn úı jaldaý aqysy ótken jylmen salystyrǵanda 48,6%-ǵa artqan.