8-synyp oqýshysy Dinmuhammed Nurǵalıulynyń ertegiler kitaby túrkıalyq oqýshylarǵa tanystyryldy.
BUU arnaıy júldesin jeńip alǵan «Taqıaly qus» ertegisi túrik tiline aýdarylyp, Ystambuldaǵy Abaı atyndaǵy mekteptiń oqýshylaryna taratyldy. Ertegide eki qustyń basynan keshken qyzyqty oqıǵalar arqyly jeńil tilmen balalarǵa álemdik ekologıa máselesi túsindiriledi, dep habarlaıdy Almaty-akshamy.kz.
Ystambuldaǵy bas konsýldyqtyń uıymdastyrýymen ótken bul keshtiń maqsaty - baýyrlas eki eldiń oqýshylaryn kitap arqyly jaqyndastyrý. Oqýshylarmen kezdesip, suraqtaryna jaýap bergen jas avtor jıyn sońynda balalarǵa qoltańba úlestirip, sýretke tústi.
«Bul kitapty jazýdaǵy maqsat Aral teńizi máselesin kóterý jáne tabıǵatty qorǵaý týraly. Basqa da qyzyqty kitaptardy oqýǵa silteme jasaý. Osy kitapty tanytý úshin aýdardyq. Oqýshylar jaqsy qarsy aldy unatty. Bárine unady», - deıdi kitap avtory Dinmuhammed Nurǵalıuly.