Tergeý júrip jatyr.
Almaty polısıasy gashıshtiń iri partıasyn tárkiledi, dep habarlaıdy Almaty-akshamy.kz
"Jambyl oblysynan esirtki jetkizý arnasy joıyldy. Arnaıy is-sharany esirtki qylmysyna qarsy kúres basqarmasynyń qyzmetkerleri júrgizgen. 48 jastaǵy T.esimdi azamat ustaldy, ony jeke tintý barysynda ishinde erekshe ıisi shyǵyp turǵan jasyl tústi untaq zaty bar sómke tabylyp, tárkilendi. Ol – gashısh esirtkisi bolyp shyqty. Bul arnaıy saraptamadan keıin anyqtaldy. Al kúdiktiniń turǵylyqty jerinen "Búrkit" qyzmettik izkesýshi ıti osyǵan uqsas zat salynǵan 19 býmany tapty. Tárkilengen shóptiń jalpy salmaǵy 2 keli 609 gramdy qurady. Kúdikti ýaqytsha ustaý ızolátoryna qamaldy", – dedi Almaty qalalyq polısıa departamenti bastyǵynyń orynbasary Dıdar Ahanov.
Atalǵan derek boıynsha QR QK-niń 297 baby 3 bóligine (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) sáıkes sotqa deıingi tergeý amaldary júrgizilip jatyr.
Qazirgi ýaqytta tergeý esirtki zattaryn satý arnasyna taǵy kimderdiń qatysy baryn anyqtalyp jatyr.
QR QK-niń 201 babyna sáıkes ózge aqparat tergeý múddesine oraı jarıa etilmeıdi.
QR Konstıtýsıasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.